Almatylyqtar jyl sońyna deıin metroda 5 teńgemen qatynaı alady

<p>1 qazannan 31 jeltoqsanǵa deıin Almaty metropolıteni jolaqyny uıaly telefon arqyly tóleıtinderden ádettegi 100 teńgeniń ornyna 5 teńge alady, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.&nbsp;</p>

Almaty metropolıteni baspasóz qyzmetiniń málimetinshe, kez kelgen banktiń Mastercard kartasy baılanystyrylǵan Google Play, Apple Pay nemese Samsung Pay qosymshalary arqyly metroǵa kontaktisiz aqy tóleýge bolady.

Foto: Almaty metropolıteni

Jol aqysyn tóleý úshin metronyń kireberisindegi týrnıket tuǵyrynda ornalasqan brendti oqý qurylǵysyna belsendirilgen qosymshasy bar uıaly telefondy qosý jetkilikti.

Foto: Almaty metropolıteni

«Jalpy, metroda jol aqysyn birneshe tásilmen — qolma-qol aqshamen, kartamen, metro jáne Ońaı jol kartasymen tóleýge bolady. Demeýshilerdiń bastamasymen jyl sońyna deıin almatylyqtar metroǵa bes teńge tólep, dittegen jerine jete alady. Tólem mobıldi qurylǵy arqyly iske asady. Basqa tásildermen tólengen jol júrý quny ózgerissiz qalady — 100 teńge», — dep atap ótti Almaty qalasy metropolıteniniń kirister jınaý qyzmetiniń basshysy Jazıra Baımuhamedova.