Almatylyqtar jer silkinisine árqashan daıyn bolǵany jón – seısmolog

<p>ALMATY.KAZINFORM &ndash; Almaty óte qaýipti seısmıkalyq aımaqta ornalasqan. Jyl saıyn onyń aınalasynda 200-ge tarta jerasty dúmpýi bolady. Kúshi álsiz bolǵandyqtan, sezilmeıdi. Jer silkinisiniń jıileýi turǵyndardyń únemi daıyn bolýy kerek degendi bildire me? Bul saýalǵa maman jaýap berdi</p>

Ulttyq seısmologııalyq baqylaýlar jáne zertteýler ǵylymı ortalyǵy dırektorynyń ǵylym jónindegi orynbasary Elızaveta Esenjigitovanyń aıtýynsha, jer silkisiniń jıileýi - ártúrli sebep pen deńgeıge baılanysty bolady. 

«Mamandar jer silkinisiniń pármendelýin maýsymdyq, jyldyq jáne kópjyldyq dep bóledi. Maýsymdyq pármendenýi kezinde kóbinese, álsiz jer silkinisterniń belsendiligi oryn alady. Al, jyldyq pármendelýi kezinde orta kúshtegi jer silkinisiteriniń sany beleń alady. Kópjyldyq pármendelý barysynda kúshti jer silkinisiniń bolý yqtymaldylyǵy joǵary bolady», - deıdi ol. 

Seısmolog Almaty óte qaýipti seısmıkalyq aımaqta ornalasqandyqtan, únemi daıyn bolǵan jón dep esepteıdi.

«Almaty óńiriniń jer silkinisine beıim jáne óte qaýipti ekendigin eskere otyryp, bul aımaqtaǵy turǵyndar jer silkinisi qubylysyna árqashan daıyn bolǵany jón. Turǵyndar jer silkinisi bolǵany týraly alyp-qashpa derekterge emes, resmı aqparat kózderiniń málimetterine den qoıǵany durys», – dedi Elızaveta Esenjigitova.