Almatylyqtar jer silkinisin sezindi

<p>Almaty turǵyndary jer silkinisin sezindi, dep habarlaıdy QazAqparat tilshisi.</p>

«1 qazan túngi saǵat 03:30-da Almaty qalasynda jer silkinisi tirkeldi. Zaqym bolǵan nemese qıraǵan jaǵdaı baıqalǵan joq, ahýal turaqty. «112» jáne «101» júıelerine turǵyndardan qońyraý túsken joq.
«Seısmologııalyq tájirıbe ádistemelik ekspedıtsııasy» MM seısmıkalyq stantsııalar jelisiniń dereginshe, zilzala oshaǵy Almaty qalasynan ońtústikke qaraı 122 shaqyrym jerde Qyrǵyzstan jerinde ornalasqan», – delingen Tótenshe jaǵdaılar departamentiniń málimetinde.

Jerasty dúmpýiniń energetıkalyq sanaty – 11.8 MPV, magnıtýdasy – 6.2. Tereńdigi – 10 shaqyrym. MSK-64 baǵany boıynsha Almatyda 2-3 ball qýatymen sezilgen.
Sondaı-aq keshe, 30 qyrkúıek kúni saǵat 20:59-da Almatydan ońtústik-shyǵysqa qaraı 364 shaqyrym jerde, Qytaı aýmaǵynda jer silkinisi boldy.