Almatylyqtar Telegram arqyly qala joldaryn jóndeýge ótinish bere alady

<p>ALMATY. KAZINFORM - Almatydaǵy joldardyń boıyndaǵy aqaýlardy endi Almaty_Joly Telegram-arnasynyń chat-botyna habarlaýǵa bolady.</p>

Almaty ákimdiginiń málimetinshe, megapolıs turǵyndary qala joldaryndaǵy shuńqyrlar men olardy jóndeý boıynsha ótinish bere alady. Ol úshin jol ınfraqurylymyna arnalǵan arnaıy Telegram arnasynyń @AlmatyJolybot chat-botyna (https://t.me/AlmatyJolybot) mynalardy jiberý qajet:

* ótinish mátini,
* jol aqaýynyń foto/vıdeosy,
* mekenjaıy men naqty koordınattary,
* baılanys derekteri.

"Kelip túsken ótinishter óńdelgen soń, jol boıyndaǵy kemshilikterdi joıý úshin sharalar qabyldanatyn bolady. Sonymen qatar, Almaty_Joly Telegram arnasynda (https://t.me/AlmatyJoly) jol-jóndeý jumystary, qalalyq kólik jumysyndaǵy ózgerister týraly aqparat jarııalanatynyn habarlaımyz", - dep habarlady Almaty ákimdiginiń baspasóz qyzmeti.

Eske salsaq, Almaty ákimdigi megapolıstegi joldyń jaıyna qatysty jańa aqparattyq resýrsty ashqan bolatyn.