Almatylyqtar taǵy da jer silkingenin sezdi
02:39, 26 Qańtar 2024
<p>ALMATY. KAZINFORM – Almaty turǵyndary taǵy da jer silkingenin sezdi. Zilzalanyń oshaǵy qaladan ońtústik-shyǵysqa qaraı 262 km qashyqtyqta Qytaı aýmaǵyna jatyr. </p>
QR Tótenshe jaǵdaılar mınıstrliginiń «Seısmologııalyq baıqaý jáne zertteýler ulttyq ǵylymı ortalyǵy» JShS búgin (Grınvıch boıynsha 26 qańtar kúni Almaty ýaqyty boıynsha 02 saǵat 01 mınýt 28 sekýndta) jer silkinisin tirkedi.
Zilzalanyń energetıkalyq klasy 12.7. Magnıtýdasy 5.7 MPV. Baǵyty 41.32° s.e. 78.84° sh.b. jatyr. Tereńdigi 10 km. Oshaǵy Almatydan ońtústik-shyǵysqa qaraı 262 km qashyqtyqta Qytaı aýmaǵyna jatyr.
«Almaty men Talǵar qalalarynda jer dúmpýi 2 baldyq boldy» - dep habarlady Almaty qalasynyń TJD.
Quzyrly organdardyń habarlaýynsha, kezekshilik qoıylǵan aımaqtarda qulaǵan eshteńe baıqalmaıdy, jaǵdaı qalypty.