Almatylyqtar olımpıada chempıondaryn ystyq yqylaspen qarsy aldy

<p>ALMATY. KAZINFORM &ndash; Olımpıada chempıondary elge orala bastady. Frantsııadan Almatyǵa taban tiregen sportshylardy áýejaıdan jankúıerleri, týystary, dostary jáne BAQ ókilderi ystyq yqylaspen qarsy aldy.</p>

Parıj tórinde kók baıraǵymyzdy kókte jelbiretip, el abyroıyn asqaqtatyp, dzıýdo sportynan Qazaqstannan shyqqan tuńǵysh Olımpıada chempıony ataǵyn jeńip alǵan Eldos Smetov, qola medal ıelengen Ǵusman Qyrǵyzbaev syndy sańlaqtarmen qatar, dzıýdodan óner kórsetken Qazaqstan quramasy men bapkerler jankúıerler aldynan júrip ótti.

Olımpıada oıyndary - tek sporttyq shara ǵana emes, ol barlyq memleketterdiń erik-jigeri men namysy dodaǵa túsetin alaman.

Buǵan deıin Smetov úshin jerebe ońaı bolmaǵanyn jazǵan edik. 

Іrikteýde Tornıke Chkadýany (Nıderland), Dılshot Halmatovty (Ýkraına) jeńdi. Odan keıin shırek fınalda Tokıo Olımpıadasynyń kúmis júldegeri ıAng ıÝ Veıdi (Taıpeı,) jartylaı fınalda álem chempıony, Eýropa chempıonatynyń 3 dúrkin jeńimpazy Fransısko Garrıgostan (Ispanııa) qosymsha ýaqytta (golden score) aılasyn asyrdy. Fınalda frantsııalyq Lýka Mheıdzeniń osal tusyn tapty. 

Tarazdyq tatamı sheberi osyǵan deıin 2016 jyly Rıo Olımpıadasynda fınalǵa shyqqanymen qarsylasyna ese jiberip, kúmispen kúptelgen. Al Tokıodaǵy oıyndarda Tornıke Chkadýany jyǵyp, úzdik úshtikti túıindegen. Al búgin Eldos ómirindegi basty beldesýde bar sheberligin pash etti.

Eske salaıyq, Eldos Smetov sońǵy úsh Olımpıada oıyndaryna qatysyp, bárinen oljaly oraldy. 2016 jyly Rıoda kúmis júlde jeńip alsa, Tokıo Olımpıadasyn qola júldemen aıaqtady. Osy joly altynyn moınyna taqty.

Parıj Olımpıada oıyndarynda qola medal ıegeri atanǵan tatamı sheberi Ǵusman Qyrǵyzbaev qazaqstandyqtarǵa qoldaý kórsetkenderi úshin alǵysyn bildirdi.

«Almaty áýejaıyndaǵy atmosfera tamasha. Qazaq eline rahmet. Altyn alam dep barǵanmyn. Buıyrǵany qola boldy. Bar kúsh -jigerimdi saldym. Biraq qola aldym. Bári keremeti boldy»,- dedi Ǵusman Qyrǵyzbaev.

Esterińizge sala ketsek, Qyrǵyzbaev alǵashqy aınalymda ıspanııalyq tatamı sheberi Davıd Garsııa Tornemen beldesip, qarsylasyn jarys jolynan taıdyrsa, ekinshi beldesýinde Olımpıada oıyndarynyń eki dúrkin jeńimpazy Ońtústik Koreıa ókili An Baýldan aılasyn asyryp, shırek fınalǵa shyqty. Jartylaı fınalda 24 jastaǵy brazılııalyq dzıýdoshy Vıllıan Lımadan utylyp qaldy. Qola medal úshin beldesýde serbııalyq tatamı sheberin jeńip, qola júldegeri atandy. 

Aıta keteıik, Ǵusman Qyrǵyzbaev – 2021 jylǵy álem chempıonatynyń kúmis júldegeri, 2019 jáne 2022 jyldary ótken Azııa birinshilikteriniń qola medal ıegeri.