Almatylyqtar mýzeıge kóp bara bastady

<p>Almaty mýzeıleri 2023 jyly kirý bıletterin satýdan 60 mln teńgeden astam tabys taýyp, osy jylǵa arnalǵan jospardy 200% oryndaǵan. Bul týraly Mádenıet basqarmasynyń basshysy Ǵanı Maılybaev mýzeı isin damytý máseleleri jónindegi keńes barysynda málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Óner súıer qaýym úshin bıyl 73 kórme uıymdastyryldy, olardy 125 230 adam tamashalady – bul 2022 jylmen salystyrǵanda eki ese kóp. Kelý kezinde kirý bıletiniń baǵasy 250-den 5000 teńgege deıin boldy. Balalar, zeınetkerler men stýdentter úshin jeńildikter qarastyrylǵan», – dedi basqarma basshysy.

Aıtýynsha, halyqaralyq uıymdarmen 15 memorandýmǵa qol qoıyldy, olardyń barlyǵy salany ilgeriletýge jáne damytýǵa baǵyttalǵan.

«Bizdiń kórmeler tek qala ishinde ǵana emes, Ońtústik Koreıada, Italııada jáne Avstrııada da uıymdastyryldy. Qala basshylyǵynyń qoldaýymen bıyl murajaı qyzmetkerleriniń jalaqysy 30% kóterildi. Mýzeılerge kelýshiler sanynyń 2 esege artqany qýantady», – dedi Ǵanı Maılybaev.

Málim etilgendeı, 2023 jyly Almatynyń mýzeı qyzmetkerleri 25 ǵylymı jáne ǵylymı-praktıkalyq konferentsııaǵa qatysyp, Frantsııanyń jetekshi mýzeılerinde kásibı biliktilikti arttyrý kýrstarynan ótti.

Aıta keteıik, búginde Almaty qalasy ákimdiginiń janynda 8 mýzeı jumys isteıdi.