Almatylyqtar endi qujatty avtoHQO-ǵa barmaı-aq qala ortalyǵynan ala alady
«Azamattarǵa arnalǵan úkimet» memlekettik korporatsııasy Almaty qalasy fılıalynyń málimetinshe, Almatyda Jandosov kóshesi, 51 mekenjaıynda ornalasqan Áýezov aýdandyq HQO ǵımaratynda onlaın formatta rásimdelgen daıyn qujattardy berý sektory jumys isteı bastady. Munda “kólik quraldaryn tirkeý” jáne “júrgizýshi kýálikteri” boıynsha daıyn qujattardy alýǵa bolady.
«Qala turǵyndary onlaın rásimdegen qujattaryn alysqa barmaı, qala ortalyǵynan alý úshin arnaıy sektor ashtyq. Munda kólik quraldaryna qatysty onlaın rásimdelgen qujattardyń daıyn nusqasyn alady. Osylaısha, kólik ıeleri ýaqytyn únemdeıdi. Qala turǵyndary onyń qolaılylyǵyn sezinip te jatyr. Bir aı ishinde munda 1787 qujat berildi. Onyń 771-i kólik quralyn memlekettik tirkeý boıynsha, 1016-sy júrgizýshi kýálikteri», - dedi «Azamattarǵa arnalǵan úkimet» memlekettik korporatsııasy Almaty qalasy fılıaly dırektorynyń orynbasary Aınash Aýbakırova.
Daıyn qujattardy berý sektory dúısenbi men juma aralyǵynda tańǵy 9:00-den 18:00-ge deıin úzilissiz jumys isteıdi.
Aıta keteıik, Almatyda sondaı-aq "AllurAuto", "Hyundai", "Mycar" "Aster auto" "Chanqan» sııaqty 9 avtosalonda AvtoHQO mamandary kólik quraldaryn memlekettik tirkeý boıynsha qujattardy qabyldap otyr.
Eske salaıyq, Almatyda avtokólik ıelerine arnalǵan 4 Mamandandyrylǵan HQO jumys isteıdi. Olar:
№ 1 mamandandyrylǵan HQO - Alataý aýdany, Saıaly shaǵynaýdany, Aqqaınar kóshesi, 1
№ 2 mamandandyrylǵan HQO - Túrksib aýdany, B. Maılın kóshesi, 240a
№ 5 mamandandyrylǵan HQO, Túrksib aýdany, Qaırat shaǵynaýdany, Qulja tas joly, 9 k
№ 6 mamandandyrylǵan HQO - Jetisý aýdany, Kemel shaǵyn aýdany, Aqsýat kóshesi, 118.
“Ótken jyly Almaty qalasynyń Mamandandyrylǵan halyqqa qyzmet kórsetý bólimderi arqyly 1,3 (1 280 252) mıllıonǵa jýyq memlekettik qyzmet kórsetildi”, - dep habarlady «Azamattarǵa arnalǵan úkimet» memlekettik korporatsııasy Almaty qalasy fılıalynyń baspasóz qyzmeti.