Almatylyqtar bıyl qan donory bolyp, 13 myń lıtr qan ótkizgen
Bıyl erikti túrde qan tapsyrǵan qala turǵyndarynyń arqasynda Qalalyq qan ortalyǵynda 13 myń lıtrǵa jýyq qan daıyndalǵan. Sondaı-aq ortalyq qyzmetkerleri 50-den asa ózge mekemelerge baryp qan donorlaryn qabyldaǵan.
— Jasy 18-ge tolǵan, arnaıy medıtsınalyq tekserýden ótken, qan tapsyrýǵa qarsy kórsetkishi joq jeke tulǵalar donor bola alady. Donor qan tapsyrǵannan keıin óz qanynyń kólemi men organızminiń energetıkalyq shyǵyndaryn toltyrý úshin onyń aqshalaı balamasyn alady, — deıdi ortalyq dırektory Jandos Nadırov.
Aıta keteıik, Qalalyq qan ortalyǵy megapolıstegi 27 memlekettik aýrýhanany, odan basqa da emhanalardy jáne áskerı medıtsına mekemelerin qanmen qamtamasyz etedi.
Eske salaıyq, buǵan deıin Qalalyq qan ortalyǵy Donorlar jınaqtaý bóliminiń meńgerýshisi Nurdáýlet Ábdiqadyrovtan suhbat alǵanbyz. Onyń aıtýynsha, 2020 jyly 18 myń, 2021 jyly 19 myń, 2023 jyly 20 myń 500 adam ortalyqqa qan ótkizgen.