Almatylyq jas sarapshylar AES salý bolashaǵyn talqylady

<p>ALMATY. KAZINFORM &ndash; Almaty qalasynyń Áýezov aýdanyndaǵy komıýnıtı ortalyǵynda elimizde AES salý týraly jáne referendým qorytyndysyn talqylady. Jıynǵa qala belsendileri, stýdentter jáne energetıka salasynyń mamandary qatysyp, bolashaqta energetıkalyq turaqtylyqty qamtamasyz etýde AES-tiń róli týraly pikir almasty.</p>

Kezdesýde jas sarapshylar AES salýdyń elimiz úshin mańyzdy qadam ekenin atap ótip, jobany qoldaıtyndaryn bildirdi. Olardyń aıtýynsha, atom energııasy Qazaqstannyń energetıkalyq táýelsizdigin nyǵaıtyp, turaqty damý jolynda mańyzdy ról atqarady. Sonymen qatar jastar AES-tiń tek energııa kózi ǵana emes, eldiń ekonomıkalyq damýy men jastardy jumyspen qamtıtyn joba ekenin aıtty.

«AES qurylysy kóptegen jańa jumys ornyn ashyp, joǵary tehnologııalyq salalardy, sonyń ishinde ǵylym men ınjenerııany damytýǵa múmkindik beredi. Bul jas býynǵa úlken múmkindikter syılaıdy. Bolashaqta olardyń kásibı ósýine jáne jańa daǵdylardy ıgerýine jol ashady», - dedi ja belsendi Mahanbet Baýyrjan. 

Foto: Áýezov aýdanyndaǵy komıýnıtı ortalyǵy

Kezdesý sońynda qatysýshylar AES salý Qazaqstannyń energetıkalyq táýelsizdigine, ekonomıkalyq turaqtylyǵyna jáne ekologııalyq qaýipsizdigine aparatyn mańyzdy qadam degen ortaq pikirge keldi.

Foto: Áýezov aýdanyndaǵy komıýnıtı ortalyǵy

Áýezov aýdanyndaǵy komıýnıtı ortalyǵynda ótken jıyn AES salýdyń bolashaǵyn talqylaýmen qatar, elimizdiń turaqty damýyna atsalysatyn jańa býyn mamandarynyń qalyptasýyna yqpal etetin mańyzdy oqıǵa boldy.