Almatylyq turǵyndardyń 48 mln teńgesin jymqyrǵan alaıaq ustaldy

<p>ALMATY. KAZINFORM &ndash; Almatylyqtardyń 48 mln teńgesin alaıaqtyq jolmen qoldy etken Túrkistan oblysynyń turǵyny ustaldy.&nbsp;</p>

Almaty qalalyq Polıtsııa departamentiniń málimetinshe, 37 jastaǵy er adam tómendetilgen baǵamen baspana alý qyzmetin usynǵan.

«Kúdiktiniń aldyn ala tólem somasy «qyzmetine» baılanysty ózgerip otyrǵan. Keltirilgen shyǵynnyń jalpy somasy shamamen 48 mıllıon teńge. Qazir tergeýshiler ustalǵan azamattyń osyǵan uqsas qylmysqa qatysy bar-joǵyn tekserip jatyr. Qylmystyq is asa iri kólemdegi alaıaqtyq deregi boıynsha tergelip jatyr. Kúdikti ýaqytsha ustaý ızolıatoryna qamaldy», - deıdi Almaly aýdandyq polıtsııa basqarmasynyń bastyǵy Oljas Sháripov. 

Polıtsııa ókili kúdikti osyǵan uqsas qylmysy úshin buryn sotty bolǵanyn atap ótti.

«QR QK-niń 201-babyna sáıkes ózge aqparat tergeý múddesine oraı jarııa etilmeıdi. QR Konstıtýtsııasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady», - dep túıindedi Oljas Sháripov.