Almatylyq stýdentter naýqas balalar úshin 26 lıtr qan tapsyrdy

<p>Almatyda S.Asfendııarov atyndaǵy Qazaq ulttyq medıtsınalyq ýnıversıtetinde óteýsiz qan tapsyrý aktsııasy ótkizildi. Qaıyrymdylyq sharasyna 80 stýdent qatysty, dep habarlaıdy <a href="Kazinform." target="_blank" rel="noopener">Kazinform.</a></p>

Almaty qalalyq qoǵamdyq densaýlyq saqtaý basqarmasynyń qalalyq qan ortalyǵynyń dırektory Jandos Nádirovtyń aıtýynsha, aktsııa naýqas balalarǵa qoldaý kórsetý aıasynda uıymdastyryldy. 

«Muqtaj jandarǵa erikti túrde kómektesýge daıyn ekenin kórsetken aktsııanyń barlyq qatysýshysyna shyn júrekten alǵys bildiremiz. Osyndaı sátter bizdiń qoǵamda ıgi isterdi atqarýǵa, ózgege kómektesýge daıyn janashyr jandardyń bar ekenin kórsetedi», - dedi ol óz sózinde. 

Shara aıasynda donor bolýǵa nıet bildirgen 80 stýdenttiń 52-sine qan tapsyrýǵa ruqsat berildi. Aktsııa nátıjesinde 26,52 lıtr qan jınaldy. 

Aıta keteıik, elimizde deni saý, jasy 18-den asqan, sozylmaly aýrýlarmen aýyrmaıtyn azamattar donor bola alady.