Almatylyq polıtseıler kólik júrgizýshilerge úndeý jasady

<p>ALMATY. KAZINFORM -&nbsp;Almatyda aýa raıynyń nasharlaýy men qar túrindegi jaýyn-shashynǵa baılanysty tártip saqshylary jol qozǵalysyna qatysýshylardy qaýipsizdik sharalaryn kúsheıtýge shaqyrdy.</p>

Almaty qalalyq polıtsııa departamentiniń baspasóz qyzmeti habarlaǵandaı, úndeý negizinen kólik quraldaryn basqaratyn qala júrgizýshilerine arnalady. 

«Biz olardy jol qozǵalysy erejelerin qatań saqtaýǵa, júrgizýshi mádenıetin kórsetýge jáne muqııat bolýǵa shaqyramyz. Bul úndeý qazirgi ýaqytta óte ózekti jáne qala joldarynda qaıtymsyz saldary bar apattardy boldyrmaýǵa kómektesedi», - delinedi qalalyq polıtsııa departamentiniń baspasóz qyzmeti taratqan habarlamada. 

Eske salaıyq, Almatynyń kommýnaldyq qyzmetteri túnimen qar tazalady. Almaty ákimdigi qalada jaýǵan qardyń bıiktigi 10 sm-ge jetkenin habarlady.