Almatylyq polıtseıler avtobýstardy tekserip jatyr

<p>ALMATY. KAZINFORM &ndash; Almatyda 22 qańtardan bastap &laquo;Avtobýs&raquo; jedel-profılaktıkalyq is-sharasy ótip jatyr.&nbsp;</p>

Shara aıasynda qoǵamdyq kólikterdiń tehnıkalyq jaǵdaıy men jolaýshylar tasymalymen aınalysatyn kásiporyndardyń jumysy tekserildi.

«Osylaısha biz avtokólikpen jolaýshylar men júk tasymaldaıtyn júrgizýshilerdiń kóliktik jáne eńbek tártibin arttyrý, tehnıkalyq aqaýy bar nemese qaıta jabdyqtalǵan jolaýshylar kóliginiń jumys isteýine jol bermeý, sondaı-aq zańsyz jolaýshylar tasymalynyń jolyn kesý maqsatyn kózdep otyrmyz. Bul jumysqa múddeli memlekettik organ ókilderi men azamattyq qoǵam da barynsha atsalysyp jatyr», - dedi Almaty qalalyq polıtsııa departamentiniń ákimshilik polıtsııa basqarmasynyń bastyǵy, polıtsııa podpolkovnıgi Ashat Qulbaev.

Polıtseıler sondaı-aq jol qozǵalysy qaýipsizdigin qamtamasyz etý jáne qoǵamdyq kólikterdiń qatysýymen bolatyn jol apattaryn aldyn alý jumysyn uıymdastyrý boıynsha avtopark basshylarymen jumys keńesin ótkizdi.