Almatylyq Olımpıada júldegerlerine páter men kólik berildi
Shahar basshysy sportshylar men jattyqtyrýshylardy Olımpıadanyń kúmis júldegeri – gımnast Narıman Qurbanovty, qola júlde alǵan – dzıýdoshy Ǵusman Qyrǵyzbaevty, boksshy Nazym Qyzaıbaıdy jáne oq atýdan saıysqa túsken mergender Aleksandra Le men Islam Sátbaevty jetistikterimen quttyqtady.
«Ulttyq qurama sapynda óner kórsetken almatylyq sportshylardyń Qazaqstan qorjynyna kóp medal salǵany qýantady. Talanttaryńyzdyń, tabandylyǵyńyzdyń jáne eńbekqorlyǵyńyzdyń arqasynda sizder mańyzdy da tarıhı jeńiske qol jetkizip, halyqtyń ystyq yqylasyna ıe boldyńyzdar, álemdik sporttyń damýyna úles qostyńyzdar. Sizder súıikti is pen týyp-ósken elge, jerge degen súıispenshiliktiń jarqyn úlgisisizder», - dedi Almaty ákimi Erbolat Dosaev.
Narıman Qurbanovqa eki bólmeli páterdiń, al Ǵusman Qyrǵyzbaevqa, Nazym Qyzaıbaıǵa, Aleksandra Le men Islam Sátbaevqa bir bólmeli páterdiń sertıfıkaty tabystaldy.
Sonymen qatar sportshylarǵa 5 jáne 4 mıllıon teńgeden aqshalaı sertıfıkattar jáne jańa avtokólikterdiń kilti berildi. Ákimdik bergen turǵyn úı sertıfıkatymen birge Narıman Qurbanovqa demeýshiler esebinen taǵy bir páter syıǵa tartyldy.
Olımpıadada eldiń namysyn qorǵaǵan barlyq almatylyq sportshy men bapkerler quramy aqshalaı sertıfıkattarmen marapattaldy.
Eske salaıyq, buǵan deıin Demeý Jadyraev pen Nazym Qyzaıbaıǵa 3 bólmeli páter berilgenin jazǵan edik.