Almatylyq oqýshylar Indonezııada ótken robototehnıka chempıonatynda jeńiske jetti

<p>Almatylyq oqýshylar robototehnıka boıynsha halyqaralyq jarysta úzdik nátıje kórsetti, dep habarlaıdy Kazinform.</p>

Almaty ákimdiginiń málimetinshe, robototehnıka boıynsha FIRST Tech Challenge ashyq oıyndar Indonezııanyń Depok qalasynda ótti. Jarysqa jıyny 5 memleketten 30 komanda qatysty. Bizdiń eldiń namysyn qorǵaýǵa Almaty qalasynan «124» atty komanda attanǵan edi.

Foto: Almaty ákimdigi

9-11 synyp oqýshylarynan qurylǵan «124» komandasynyń quramynda: Aldııar Jumadil, Ilııas Áýezhan, Álimjan Raev, Gaýhar Janas, Laýra Toqtaǵalı – №124 JBBM, Aıhanym Shamshadın, Araı Erjanqyzy, Álrahat Umythan, Meras Medǵat – №81 mektep-gımnazııa, Tomırıs Ońǵarbek – №206 mektep-gımnazııa, Ásel Úmbet – №178 lıtseı, Mıra Demeýǵalıeva – №200 mektep-gımnazııasynyń oqýshylary boldy.

Foto: Almaty ákimdigi

«Almatylyq oqýshylar birneshe kún boıy Ońtústik-Shyǵys Azııa elderinen kelgen 150 jas robototehnıka jasaýshylarmen básekege tústi. Nátıjesinde el quramasynyń qorjyny 7 júldemen tolyqty», - dep habarlady ákimdiktiń baspasóz qyzmeti.

Almatylyq oqýshylar tómendegideı nátıjege ıe boldy.
«124» komandasy:
1 oryn - Control award;
3 oryn - Think Award;
3 oryn - Connect Award.

«Indonezııada ótken chempıonatqa joldamany almatylyq oqýshylar 2023 jyldyń jeltoqsan aıynda Oqý-aǵartý mınıstrligi men Almaty qalasy ákimdiginiń qoldaýymen USTEM Foundation Qoǵamdyq Qory uıymdastyrǵan Almaty Tech Cup respýblıkalyq týrnırinde jeńip alǵan bolatyn», - dep habarlady ákimdikte.