Almatylyq dárigerler sırek kezdesetin kóz aýrýyna operatsııa jasady

<p>ALMATY. KAZINFORM &mdash; Almaty qalalyq jedel shuǵyl kómek kórsetý aýrýhanasyna 60 jasataǵy naýqas tústi. Ol sol kóziniń qyzarýy jáne qozǵalysynyń shektelýine shaǵymdandy. Tekserý barysynda óte sırek kezdesetin dıagnoz - kózdiń arterıovenozdy fıstýlasy anyqtaldy.</p>

Qalalyq jedel shuǵyl kómek kórsetý aýrýhanasynyń neırohırýrg mamany Maksım Argýmbaevtyń aıtýynsha, sońǵy 30 jyl ishinde álem boıynsha bul aýrýdyń nebári 42 jaǵdaıy tirkelgen.

— Aýrýdyń qaýpi - ekzoftalmanyń údemeli damýynda, ol kórý qabiletin joǵaltýǵa, tipti kóz almasyn alyp tastaýǵa májbúrleıtin jaǵdaıǵa ákelýi múmkin,— dep túsindirdi dáriger.

Emdeý mekemesiniń baspasóz qyzmeti málim etkendeı, neırohırýrgııa bólimshesiniń meńgerýshisi Konstantın Lı, neırohırýrg Maksım Argýmbaev, anestezıolog Rınat Kasenov, otalyq medbıke Elmıra Aıýpova kóz fıstýlasyna kúrdeli rentgenoendovaskýlıarlyq embolızatsııa operatsııa jasady.

Bir saǵatqa soqylǵan operatsııa sátti aıaqtaldy.

— Mundaı ota kórý qabiletin saqtap qalýǵa qatysty joǵary qaýippen birge júredi. Biz naýqasqa kómektese alǵanymyz, zamanaýı tehnologııa men komanda tájirıbesin qoldana alǵanymyzǵa qýanyshtymyz, — deıdi Maksım Argýmbaev.

Eske salaıyq, byltyr almatylyq kóz dárigerleri jas jigittiń kózine kirgen metall synyǵyn alyp tastap, kózdiń kórý qabiletin saqtap qalǵan bolatyn.