Almatylyq qutqarýshylar turǵyndarǵa taýǵa shyqpaýǵa keńes berdi
12:41, 13 Qarasha 2024
<p>ALMATY. KAZINFORM – Aýa raıynyń nasharlaýyna baılanysty Tótenshe jaǵdaılar departamenti turǵyndarǵa taýǵa shyqpaýǵa keńes berdi.</p>
«13 qarashada nóser jańbyr jaýyp, arty qarǵa ulasady. Keı kezde qalyń týman túsedi. Osyǵan baılanysty qala qonaqtary men turǵyndardy taýǵa shyqpaýǵa shaqyramyz», - dep habarlady qalalyq Tótenshe jaǵdaılar departamentinen.
Sondaı-aq 112 qyzmetiniń SMS-habarlamalary men BAQ-taǵy aqparatqa salǵyrt qaramaýǵa keńes berildi.
Osyǵan deıin Almaty ákimdigi turǵyndarǵa úndeý jasaǵan bolatyn.
Almatynyń kommýnaldyq qyzmeti kúsheıtilgen rejımge kóshti. 490 arnaıy tehnıka men 1 200 jumysshy jumyldyryldy. Aýdandyq ákimdikterde jumys barysyn qadaǵalaý úshin táýlik boıy kezekshilik uıymdastyrylady.