Almatylyq qutqarýshylar Qostanaı óńirine kómekke attandy

<p>ALMATY. KAZINFORM - Almaty qalalyq TJD-nyń órt sóndirý jáne apattyq-utqarý jumystary qyzmetiniń kúshteri men quraldarynyń jedel toby (56 qyzmetker) Ulttyq ulannyń áýe bortymen Qostanaı óńirine ushty.</p>

Almaty TJD bastyǵy polkovnık Nurlan Atyǵaev jeke quramnyń daıyndyǵyn tekserip, nusqama júrgizdi. Áýe bortyna sý sorý quraldary, qajetti apattyq- qutqarý jabdyqtary, arnaıy sý ótkizbeıtin kostıýmder, baılanys quraldary men júzý quraldaryn tıeý jumystary júrgizildi. 

Foto: Almaty qalalyq TJD

«Qutqarýshylar sý basqan óńirdiń qaýipti ýchaskelerinde barlyq qajetti kómekti kórsetedi. Jeke quramǵa azamattardyń ómiri men densaýlyǵyn qorǵaý boıynsha óz boryshyn minsiz oryndaýdy tapsyramyn», - dedi TJD bastyǵy Nurlan Atyǵaev.

Foto: Almaty qalalyq TJD

Eske salsaq, buǵan deıin 31 naýryzda almatylyq qutqarýshylar «Voroshılov» sý qoımasy bógetiniń jarylýy saldarynan bolǵan qaýipti joıý boıynsha oblystaǵy áriptesterine kómekke jiberilgen bolatyn. 

Sondaı-aq almatylyqtardyń búgin Atyraý oblysyna gýmanıtarlyq kómek jibergenin habarlaǵanbyz.