Almatylyq qutqarýshylar aýa-raıynyń qolaısyzdyǵyna baılanysty eskertý jasady
13:55, 13 Naýryz 2024
<p>ALMATY. KAZINFORM – Almatyda 13 naýryz kúni aýa temperatýrasy kúndiz +0,+2 gradýs, túngi ýaqytta -0,-2 gradýs bolady dep kútiledi. </p>
Qazgıdromettiń málimeti boıynsha kúndiz jaýyn-shashyn (jańbyr, qar), kóktaıǵaq bolady. Sotltústik-shyǵystan ekpini sekýndyna 3 metr jel soǵady. Osyǵan baılanysty Almaty qalasynyń tótenshe jaǵdaılar departamenti azamattardy taýly jerlerge barmaýdy, 112 qyzmetiniń sms-habarlamalaryn, BAQ-qa jarııalanǵan aqparatty nazardan tys qaldyrmaýǵa shaqyrdy.
«Jaýyn-shashyn týraly eskertýlerge sáıkes, kólik júrgizýshilerge aǵashtardyń, elektr jelileri men basqa da ilýli qurylymdardyń astyna avtokólikterdi qoımaýǵa keńes beremiz», - dep eskertti TJD-da.
Eske salaıyq, Almatyǵa bir túnde 10 sm qar tústi. Myńnan astam jol jumysshysy men 463 tehnıka qar tazalaýǵa jumyldyrylǵanyn habarlaǵanbyz.