Almatylyq dárigerler júkti áıelge kúrdeli operatsııa jasady

<p>ALMATY. KAZINFORM &ndash; Qalalyq №8 klınıkalyq aýrýhana dárigerleri júktiligi 5 aıdan asqan áıeldiń jatyryna kúrdeli operatsııa jasady.</p>

Aýrýhana baspasóz qyzmetinen málim etkendeı, 36 jastaǵy almatylyq áıelge alǵash skrınıng jasaǵanda jatyr qýysynda kólemi 10 sm bolatyn jynys bezi anyqtalǵan. 

«Ekinshi skrınıng kezinde bezdiń 11 sm deıin ulǵaıǵany belgili boldy. Onyń onkologııalyq aýrýǵa aınalyp ketý qaýpi joǵary bolǵandyqtan, júkti kelinshek hırýrgııalyq emdeý úshin portal arqyly №8 qalalyq klınıkalyq aýrýhanaǵa jiberildi. Munda sol jaq analyq bezge tsıstektomııa jasaý maqsatynda laparoskopııalyq aralasý jasaldy. Ota sátti ótip, naýqas gınekologtyń baqylaýynda bolý usynysymen úıne shyǵaryldy», - deıdi Almaty №8 qalalyq klınıkalyq aýrýhanasynyń gınekologııa bólimshesiniń meńgerýshisi Dmıtrıı Tsaı.

Júkti kelinshek balasyn aman-esen ómirge ákelgenge deıin dárigerlerdiń jiti baqylaýynda bolady.