Almatylyq dárigerler bes kúnde otyz kúrdeli operatsııa jasady

<p>ALMATY. KAZINFORM &ndash; Kardıologııa jáne ishki aýrýlar ǵylymı-zertteý ınstıtýtynynyń dárigerleri reseılik áriptestermen birlesip kúrdeli júrek yrǵaǵynyń buzylýyn emdeýge arnalǵan qurylǵynyń kómegimen operatsııalar jasap jatyr.&nbsp;</p>

«Biz alys jáne jaqyn shetelderdiń kóptegen medıtsınalyq ortalyqtarymen jáne klınıkalarymen yntymaqtastyqtamyz. Jetekshi reseılik mamanmen birlesken operatsııalar júrgize otyryp, ǴZI dárigerleri úlken tájirıbe alýda. Sergeı Nıkolaevıch júrekshe fıbrıllıatsııasy bar emdelýshilerde radıojıilikti kateterlik ablıatsııa protsedýrasynyń tıimdiligin arttyrýǵa múmkindik beretin ádisnamalyq tásilderdi ázirledi. Bul ádister halyqaralyq jáne ulttyq klınıkalyq usynystarǵa engizildi. Professor Artemenkoǵa operatsııalardy kásibı qoldaǵany úshin alǵysymdy bildirgim keledi», - deıdi ınstıtýttyń basqarma tóraǵasy Marat Pashımov.

Aptanyń sońyna deıin júreksheler fıbrıllıatsııasy jáne basqa da kúrdeli ektopıkalyq oshaqtary bar naýqastarǵa ota jasalady. Elimizdiń basqa klınıkalarynda birneshe ret qaıtalap ota jasalǵan naýqastar bar.

Máselen, kúrdeli arıtmııamen 63 jáne 54 jastaǵy eki naýqasqa operatsııa jasaldy. Olardyń ekeýi de qozǵalmasa da seziletin júrek soǵysynyń jıiligi, fızıkalyq júkteme kezinde entigý, jalpy álsizdikke shaǵymdandy.

Tekserilý barysynda olardyń arıtmııanyń patologııalyq oshaqtary júrektiń ótkizgish júıesinde onymen «qaýipti» jaqyndyqta ornalasqany anyqtaldy.

Medıtsına mamandarynyń joǵary biliktiliginiń, joǵary tehnologııalyq jabdyqtyń jáne patsıentterdi tıisti daıarlaýdyń arqasynda operatsııalar sátti ótti.

Klınıkanyń arıtmologtary sheteldik áriptesiniń baqylaýymen ár túrli jastaǵy kúrdeli júrek aýrýlary bar naýqastarǵa bes kúnde 30 operatsııa jasady.