Almatylyq Aýǵan soǵysy ardagerlerine 100 myń teńgeden beriledi

<p>ALMATY. KAZINFORM &ndash; Keńes áskerleriniń Aýǵanstannan shyǵarylǵanyna 35 jyl tolýyna oraı almatylyq Aýǵan soǵysy ardagerlerine 100 myń teńge kóleminde bir rettik tólemaqy beriledi. Bul týraly óńirlik kommýnıkatsııalar qyzmetiniń alańynda Aýǵan soǵysy ardagerleri men múgedekterin úılestirý keńesiniń tóraǵasy Murat Ábdishúkirov aıtty.&nbsp;</p>

«Almatyda búgingi kúni Aýǵan soǵysynyń 2 389 ardageri turady, onyń 1 100-i múgedek ekenin aıta keteıik. Almaty ákimdigi aýǵan ardagerlerin qoldaý kórsetip keledi. Bıyl 15 aqpan men 9 mamyr kúnderi ardagerler 100 myń teńgeden alady. Sondaı-aq Aýǵan soǵysynyń ardagerleri medıtsınalyq kórsetkishter boıynsha sanatorıılik-kýrorttyq emdeýden óte alady. Búgingi kúni kvota jylyna 170 joldamaǵa deıin ósken», - dedi spıker.

Eske salsaq, bıyl Keńes áskerleriniń Aýǵanstan jerinen shyǵarylǵanyna 35 jyl tolady. Osyǵan oraı Almatyda 15 aqpan kúni saǵat 11:00-de 28 gvardııashy-panfılovshylar saıabaǵynda Máńgilik alaý men Aýǵanstanda qaza tapqan almatylyqtardyń eskertkishine gúl shoqtaryn qoıý rásimi ótedi.