Almatyǵa qar túsip 535 tehnıka men myńnan astam jumysshy joldardy tazalap jatyr
Ádetten tys uzaqqa sozylǵan jyly aýa raıynan keıin Almaty qalasynda alǵashqy qar jaýdy. 8 jeltoqsan kúni saǵat 20:00-den bastap Almaty qalasynda 9 jeltoqsan túske deıin qar jaýady degen boljam bar.
Qalanyń barlyq kommýnaldyq qyzmetteri aýa raıynyń nasharlaýyna baılanysty qajetti jumystarǵa ýaqytyly iske kiristi.
Almaty qalasynyń kommýnaldyq ınfraqurylymdy damytý basqarmasynyń málimetinshe, ótken jyldan bastap qar jaýǵanǵa deıin joldardy suıyq reagenttermen aldyn-ala óńdeý ádisi durys ádis ekenin kórsetti. Bul tájirıbe búgingi kúni de qar jaýǵan kezde qoldanylady.
Almatyda kóktaıǵaqtyń aldyn alý maqsatynda 68 qum taratqyshtyń kúshimen joldarǵa kóktaıǵaqqa qarsy materıaldar sebilýde. Saǵat 09:00-degi jaǵdaı boıynsha 3620 tonna qum paıdalanyldy. Qalada 4 sm qar jaýdy, Medeý men Shymbulaqta – 6 sm. Trotýarlardy, jalpy paıdalaný oryndaryn, aıaldamalardy, jerústi ótkelderin tazalaý jumystary júrgizilýde.
Túngi ýaqytta sypyrý-jınaý tehnıkasynyń segiz kolonnasynyń kúshimen magıstraldyq kóshelerde qar kúreý jumystary júrgizildi. Tústen keıin qar tazartylady, keıin qardy jappaı shyǵarý jumystary uıymdastyrylatyn bolady.
535 arnaıy tehnıka men 1006 jumysshy jumyldyryldy. Qysqy kezeńde jumys isteý úshin barlyǵy 818 arnaıy tehnıka daıyndaldy, 1430 jumysshy bar. Muzǵa qarsy materıaldardyń normatıvtik kólemi daıyndaldy.
Qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
Túngi kezeńde patrýldik polıtsııa ekıpajdarynyń sany artty.
23 jol apaty tirkeldi, onda 3 adam zardap shekti, 20 jol apatynda zardap shekkender bolǵan joq, materıaldyq shyǵyn boldy. Bir aptadaǵy uqsas kezeńmen salystyrǵanda apattyń tirkelgen sany ortasha deńgeıden tómen, bul aýaraıynyń nasharlaýy týraly halyqty ýaqtyly habardar etýmen baılanysty.
«Alǵashqy qardyń túsýine, joldyń nashar kórinýine jáne joldardaǵy kóktaıǵaq qubylystaryna baılanysty biz taǵy da avtokólik júrgizýshilerin jyldamdyqty tómendetýge, lyq toqtamaýǵa, qashyqtyqty, búıirlik aralyqty jáne manevr jasaý erejelerin saqtaýǵa shaqyramyz. Jaıaý júrginshiler trotýarlarda júrgende abaı bolý kerek, belgilengen jerlerde kóshelerdi kesip ótý kerek, qarttar men balalarǵa kómek kórsetý kerek», - delinedi habarlamada.
Qazgıdromettiń boljamy boıynsha túske deıin ortasha qar jaýady dep boljanady. Jeldiń jyldamdyǵy 3-8 m/s. kúndiz aýa temperatýrasy mınýs 4 gradýs aıazǵa deıin bolady.