Almatydan Phýketke ushatyn reıs 10 saǵatqa keshikti

<p>Air Astana áýekompanııasynyń Almaty &ndash; Phýket reısiniń 10 saǵatqa keshigýine baılanysty jolaýshylar narazylyq bildirdi, dep habarlaıdy <a href="Kazinform" target="_blank" rel="noopener">Kazinform</a>.</p>

Áleýmettik jelide narazy bolǵan jolaýshylardyń posty shyqty. Olardyń sózinshe, ushaq Almatydan túngi saǵat 01.30-da ushýy kerek edi, alaıda, reıs birneshe saǵatqa keshiktirilgen. 

Áýe kompanııasynyń baspasóz qyzmeti Almaty - Phýket baǵytynda KS563 reısin oryndaıtyn Boeing 767 ushaǵy 13 jeltoqsanda saǵat 01:30-da ushýy kerek bolǵanyn rastady. Alaıda, ushý tehnıkalyq sebeptermen, sondaı-aq, ekıpajdyń jumys ýaqytynyń aıaqtalýy jáne olarlyń aýysýymen baılanysty keshiktirilgenin habarlady.

"Ushpaqshy bolǵan jolaýshylarǵa ystyq tamaq pen sýsyndar usynyldy. Ushý ýaqyty saǵat 12:15-ke deıin aýystyryldy. Qazirgi ýaqytta ushaq atalǵan baǵyty boıynsha ushyp ketti. Áýe kompanııasy keltirilgen qolaısyzdyqtar úshin keshirim suraı otyryp, qaýipsizdik bizdiń basty basymdyǵymyz ekenine sendiredi", - dep habarlady Air Astana-nyń baspasóz qyzmeti.

Sondaı-aq, áýe kompanııasy keshiktirilgen reıstiń jolaýshylary help.airastana.com. saıtynda keshiktirilgen ár saǵat úshin 3% ótemaqy alýǵa ótinish qaldyra alatynyn habarlady.