Almatydan kúshti jel men jańbyrdan soń kóshede tazalyq jumystary júrip jatyr
23:20, 24 Sáýir 2024
<p>ALMATY. KAZINFORM — Almatyda kommýnaldyq qyzmetter qatty jel men jańbyr saldarynan qulaǵan aǵashtardy kesip, joldy tazalady.</p>
Ákimdiktiń málimetinshe, túski saǵat 12:00-den 19:00-ge deıin Almaty qalasynda jel kúsheıip, jańbyr jaýdy. Jaýyn-shashyn kezinde sý basýdyń aldyn alý men nóser sýynyń kedergisiz ótýin qamtamasyz etý úshin 52 jedel mobıldi brıgadanyń kezekshiligi uıymdastyryldy.
«Aýdan ákimdikteriniń aqparaty boıynsha sý basý men qulaǵan aǵashtar shuǵyl túrde alyndy. Jedel medıtsınalyq járdem qyzmetiniń dereginshe, qulaǵan aǵashtan adamdar zardap shekken joq»,- dep habarlady ákimdikten.
Aıta keteıik, Almatyda búgin keshke qaraı kún raıy kúrt buzylyp, aspandy qara bult basyp, jel kóterilip, naızaǵaı oınap, qatty jańbyr men burshaq jaýdy.
Saldarynan aǵashtar qulap, birqatar shaǵyn aýdan jaryqsyz qaldy.