Almatydan 88 shaqyrym jerde jer silkindi
– QR TJM «Seısmologııalyk zertteý ınstıtýty» JShS seısmıkalyq stantsııalar jelisimen 2024 jylǵy 15 jeltoqsanda Astana ýaqytymen 23 saǵat 23 mınýtta jer silkinisi tirkeldi. Jer silkinisiniń koordınattary: 44.000 s.e. 76.910 sh.b, – delingen habarlamada.
Jer silkinisiniń oshaǵy Qazaqstan aýmaǵynda Almaty qalasynan soltústikke qaraı 88 shaqyrym jerde ornalasqan.
Tótenshe jaǵdaılar mınıstrliginiń málimetinshe:
Qonaev qalasy 3 ball,
Alataý qalasy (Jetigen) 2 ball.
Qurty aýyly 2 ball.
Zardap shekkender men qıraýlar týraly málimet túsken joq.
Osyǵan deıin, 25 qarasha kúni jer silkinisi bir ýaqytta elimizdiń birneshe qalasynda sezilgeni týraly jazǵan edik.
Buǵan deıin Tótenshe jaǵdaılar departamenti Almatyda kúshti jer silkinisi bolǵan jaǵdaıda sanaýly saǵatta bas saýǵalaıtyn baza qurylatyny týraly aıtqan bolatyn.
Sondaı-aq Ulttyq seısmologııalyq baqylaýlar jáne zertteýler ǵylymı ortalyǵy dırektorynyń ǵylym jónindegi orynbasary Elızaveta Esenjigitova almatylyqtar jer silkinisine árqashan daıyn bolý kerektigin eskertken edi.