Almatydaǵy jer silkinisi bastan-aıaq vıdeoǵa túsip qaldy
Eki mınýtqa sozylatyn vıdeoda 23 qańtar túngi 00:09 kezinde bastalǵan zilzalanyń jerdi qalaı qımyldatyp, terbep jatqany túsip qalǵan. Bul jaǵdaı 00:11-ge deıin jalǵasady.
Ǵımarat syrtyna nemese kóshege ornatylǵan vıdeokamera Almatynyń taýly aýdandarynda turǵany kórinip tur.
Eske salaıyq, búgin, qańtardyń 22-sinen 23-ine qaraǵan túni Almatyda birneshe tolqynmen jer silkindi.
Resmı málimet boıynsha alǵashqy dúmpýdiń amplıtýdasy 5 ballǵa deıin jetken. Saldarynan úreı boı aldyrǵan turǵyndardyń bir bóligi qalany tastap shyǵýǵa bekingen.
Munyń arty kólik keptelisine ulasyp, janarmaı beketterinde kezek paıda bolǵan.
Halyq arasyndaǵy baıbalamdy paıdalanyp taksı baǵasyn birneshe ese kóterip jiberý faktileri de tirkeldi.
Epıtsentri Almatydan ońtústik-shyǵysqa qaraı 264 shaqyrym jerde, Qyrǵyzstan men Qytaı shekarasynda ornalasqan túngi jer silkinisi Almaty men Shymkentten bólek, Astanada jáne Qazaqstannyń bes oblysynda sezilgen.
Jer silkinisi kezinde Almaty qalasynda 8 adam zardap shekti, bir turǵynnyń jaǵdaıy aýyr.
Jaraqat alǵan úsh adam turǵyn úıdiń 2 jáne 3 qabatynan sekirgen.
24-25 qańtar kúnderi Prezıdent Qasym-Jomart Toqaev Almatyǵa barady.
Ulttyq seısmologııalyq baqylaýlar men zertteýler ǵylymı ortalyǵynyń dırektory Dáýlet Sársenbaev Almatyda jaqyn ýaqytta joıqyn jer silkinisi bolmaıtynyn aıtty.