Almatydaǵy jer silkinisi: 44 adam medıtsınalyq kómekke júgindi

<p>ALMATY. KAZINFORM &mdash;&nbsp;Túngi saǵat 1-den bastap tańerteńge deıin Almatyda bas jaraqaty, soǵylý, aıaq-qoldyń sozylýy sııaqty jeńil jáne ortasha aýyrlyqtaǵy túrli jaraqattary bar 44 adam medıtsınalyq kómekke júgindi.</p>

Densaýlyq saqtaý mınıstrliginiń málimetinshe, ártúrli kórsetilimdermen olar qalanyń statsıonarlaryna jetkizildi, onyń ishinde 34 eresek adam, onyń 3-eýi emdeýge jatqyzyldy, 31 adam ambýlatorııalyq emdelýge jiberildi.

«Sondaı-aq 10 bala medıtsınalyq kómek aldy, onyń 5-eýi emdeýge jatqyzyldy, 5-eýi ambýlatorııalyq emge jiberildi.

Barlyq patsıentter qalanyń emdeý mekemelerinde bilikti medıtsınalyq kómekpen qamtamasyz etildi», - delingen habarlamada.

Túnde Almaty qalasynyń qoǵamdyq densaýlyq saqtaý basqarmasy jedel medıtsınalyq járdem qyzmeti men barlyq kópbeıindi statsıonarlar, onyń ishinde mamandandyrylǵan statsıonarlar, balalar statsıonarlary, qalanyń bosandyrý uıymdary kúsheıtilgen rejımde jumys istep jatqanyn habarlaǵan.