Almatydaǵy izdeý salynǵan er adamnyń denesi ózennen tabyldy

<p>Almaty polıtsııasy 29 qarashada úıinen shyǵyp, qaıta oralmaǵan er adamnyń denesin tapty, dep habarlaıdy <a href="Kazinform." target="_blank" rel="noopener">Kazinform.</a></p>

Buǵan deıin Almatynyń eriktileri joǵalǵan er adam jaıly aqparatty áleýmettik jelige salǵan edi. 

Almaty qalalyq polıtsııa departamenti jedel izdestirý is-sharasy barysynda er adamnyń máıiti tabylǵanyn habarlady. 

«29 qarashada úıinen shyǵyp, qaıta oralmaǵan 1989 jyly týǵan Tımýr Popov esimdi azamattyń máıiti tabyldy. Jedel-izdestirý toby jedel túrde er adamnyń júrý baǵytyn anyqtady. Ol taksımen Talǵar qalasyna barǵan. 7 jeltoqsan kúni saǵat 11:00-de polıtsııa qyzmetkerleri joǵalǵan azamattyń áıeline telefon arqyly «SOS» dabylyn jibergen jerden 1,5 shaqyrym jerde ornalasqan «Talgarka» ózeniniń arnasyna tekserý júrgizdi. Nátıjesinde sýǵa ketken er adamnyń denesi tabyldy», - dep habarlady qalalyq polıtsııa departamentiniń baspasóz qyzmeti. 

Adam óliminiń naqty sebebin anyqtaý úshin sot-medıtsınalyq saraptama taǵaıyndaldy. Qazir oqıǵanyń basqa da mán-jaılary anyqtalyp jatyr.