Almatydaǵy Seısmologııa ǵylymı ortalyǵyna jóndeý jumystary júrgiziledi
Almaty ákimi Erbolat Dosaev TJM Seısmologııalyq baqylaý jáne zertteý ulttyq ǵylymı ortalyǵynyń ǵımaratyna baryp, mekemeniń materıaldyq-tehnıkalyq bazasymen tanysty, ondaǵy problemalyq máselelerdi tyńdady.
Ortalyq qyzmetiniń negizgi baǵyty – búkil el aýmaǵynyń seısmıkalyq qaýiptiligin baǵalaý jáne seısmologııalyq monıtorıng júrgizý.
Ǵylymı ortalyqtyń dırektory Dáýlet Sársenbaevtyń aıtýynsha, 1986 jyly salynǵan ortalyq ǵımaratyna eshqashan kúrdeli jóndeý júrgizilmegen. Jabdyqtardyń basym bóligi eskirgen, sondaı-aq kadr tapshylyǵy da joq emes.
Megapolıs basshysy qalada seısmıkalyq qaýipsizdikti arttyrý maqsatynda tótenshe jaǵdaılardyń aldyn alýdyń zamanaýı tehnologııalaryn qoldana otyryp, azamattyq qorǵaýdyń barlyq qurylymynyń ózara is-qımyly kúsheıtiletinin atap ótti.
«Biz ǵımaratty qala bıýdjeti esebinen jóndeý týraly sheshim qabyldadyq. Sondaı-aq ǵylymı zertteýlerge shamamen 2 mlrd.teńge bólinedi. Bul eńbekaqy tóleý qoryn ulǵaıtýǵa, sheteldik áriptestermen tájirıbe almasýǵa, jańa kadrlar tartýǵa múmkindik beredi. Ortalyq qala úshin ǵana emes, búkil el úshin óte mańyzdy, sondyqtan ol álemdik standarttarǵa saı bolýy tıis», - dedi Erbolat Dosaev.
Qazir seısmologııalyq baqylaýlardyń respýblıkalyq jelisi (RSSN) Qazaqstannyń 12 oblysynda jáne Almaty qalasynda ornalasqan 70 seısmıkalyq stantsııa men baqylaý pýnktterinen turady.
Stantsııalarda 160 túrli ólshem boıynsha seısmıkalyq, geofızıkalyq, gıdrogeologııalyq, baqylaýlar júrgiziledi. Seziletin jer silkinisi jaǵdaıynda kezekshiler jedel rejımde onyń parametrlerin, atap aıtqanda, silkinis ýaqytyn, epıtsentrdiń koordınattaryn, jer silkinisiniń klasyn nemese onyń magnıtýdasyn anyqtaıdy.