Almatydaǵy «Saıran» vokzaly kommýnaldyq menshikke qaıtarylýy múmkin

<p>ALMATY. KAZINFORM — Almaty ákimdigi «Saıran» avtovokzalynyń menshik ıesimen ony kommýnaldyq menshikke qaıtarý máselesi boıynsha kelissózder júrgizip jatyr.</p>

Bul týraly ortalyq kommýnıkatsııalar qyzmetinde ótken baspasóz máslıhatynda Erbolat Dosaev málimdedi.

Qala basshysynyń aıtýynsha, «Saıran» beketi 2000 jyldardyń ortasynda jeke menshikke ótip ketken. Osydan bes jyl buryn ıesi ǵımaratty jańartty.

— Biz úshin avtovokzal úlken ishki kólik haby retinde óte mańyzdy. Almatynyń Bas damý josparyna jáne egjeı-tegjeıli josparlaý jobalaryna sáıkes avtovokzal qoǵamdyq — iskerlik aımaqta, atap aıtqanda, kóliktik qyzmet kórsetý obektileri aımaǵynda ornalasqan, sondyqtan ol jolaýshylardyń aýysyp otyrýlaryna óte yńǵaıly, — dedi Erbolat Dosaev.

Almaty ákimi avtovokzal ıesimen odan ári rekonstrýktsııa júrgizý jáne biryńǵaı keshen qurý úshin ony kommýnaldyq menshikke qaıtarý boıynsha kelissózder bastalǵanyn atap ótti.

Aıta keteıik, osyǵan deıin Almatyǵa bıiktigi 6 metrden asatyn iri kóshetter otyrǵyzylatyny aıtyldy.