Almatydaǵy órt: qaza tapqandardyń kóbi - qazaqstandyqtar

<p>Hostelde shyqqan órt saldarynan Qazaqstan, Ózbekstan men Reseı azamattary qaza tapty. Bul týraly Almaty ákimi Erbolat Dosaev aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Qaıtys bolǵandardyń kóbi — qazaqstandyqtar. Bireýi — Ózbekstan azamaty, bireýi — Saha Respýblıkasynyń (RF) azamaty, qalǵandary — qazaqstandyqtar. Qazir qujattaryn tekserip, qarap jatyr. Jalpy, jertóleni sanıtarlyq talaptarǵa sáıkes jasaqtaýǵa bolady. Biraq osynshama kóp adamdy ornalastyrýǵa ruqsat bar ma, bul suraqtyń basy ashyq. Anyqtaımyz, tergeý júredi», — dedi Almaty ákimi Erbolat Dosaev.

Qala basshysynyń aıtýynsha, ákimdik zardap shekkender men evakýatsııalanǵandardy qoldaý boıynsha barlyq sharalardy qabyldap jatyr.

Qazirgi ýaqytta aýdan ákimdigi jedel túrde ýaqytsha baspana berdi, sondaı-aq barlyq evakýatsııalanǵandar úshin tamaqtaný uıymdastyryldy. Densaýlyq saqtaý basqarmasy qajetti medıtsınalyq jáne psıhologııalyq kómek usynyp jatyr.

Erbolat Dosaev qaza tapqandardyń týystary men jaqyndaryna kóńil aıtty.

Eske salaıyq, búgin megapolıste hostel órtenip, 13 adam qaza tapty.

Dárigerler órtten zardap shekken 2 adamǵa kómek kórsetti. Olar aýrýhanaǵa jetkizilip, keıin ambýlatorlyq em qabyldaý úshin úılerine jiberildi.

Oqıǵa ornynan 59 adam evakýatsııalanyp, 56-sy jaqyn mańdaǵy mektepke ýaqytsha ornalastyryldy.