Hostel ǵımaraty Halyk Bank-ke tıesili – ákimdik

<p>Almaty ákimdigi taratqan málimetke sáıkes, Ádı Sháripov kóshesindegi &laquo;Almaty Hostel&raquo; Halyk Bank menshigindegi ǵımaratta ornalasqan, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Hostel bir jarym aı buryn ashylǵan, ǵımarat Halyk Bank-ke tıesili. Bank ony kepilmúlik retinde jalǵa bergen. Qyzyl jalyn 30 sharshy metrdi sharpyǵan. Bul hostel Almaty qalasynyń joǵary oqý oryndarymen stýdentterdi ornalastyrý úshin yntymaqtastyq týraly memorandýmǵa qol qoıǵan joq», - dep habarlady ákimdikten.

Oqıǵa ornyna Almaty ákimi Erbolat Dosaev keldi. Sondaı-aq Astanadan Tótenshe jaǵdaılar mınıstri Syrym Sháriphanov ushyp shyqqany belgili boldy. 

Eske salaıyq, búgin tańerteń Almatyda bolǵan órt saldarynan 13 adam kóz jumdy, ekeýi aýrýhanaǵa jetkizildi. 59 adam shuǵyl evakýatsııalandy. 56-sy jaqyn mańdaǵy mektepke ýaqytsha ornalastyryldy. Mundaǵy turǵyndardyń deni — shet memleketterdiń azamattary. Olar — stýdentter men jaldamaly jumysshylar.  

Premer-Mınıstr Álıhan Smaıylovtyń ókimimen Almaty qalasyndaǵy hostelde bolǵan órttiń sebebin tekserý jáne onyń saldaryn joıý jónindegi Úkimettik komıssııa quryldy.

2Gis elektrondy anyqtamalyq servısine ornalastyrylǵan málimetke súıensek, hostelde turý bir orynǵa 2000 teńgeden bastalady, oryndar sany — 100-ge deıin.