Almatydaǵy mektepte jaramdylyq merzimi ótip ketken órt sóndirgish tur – ákimdik pikiri

<p>Almaty qalasynda ornalasqan №56 gımnazııada jaramdylyq merzimi ótip ketken órt sóndirgishtiń ilinip turǵany týraly aqparat <a href="https://t.me/kozachkow" target="_blank" rel="noopener">Kozachkov offside</a> Telegram arnasyna shyqty, dep habarlaıdy <a href="https://t.me/kozachkow/8032" target="_blank" rel="noopener">Kazinform</a>.&nbsp;</p>

Órt sóndirgishtiń japsyrmasynan «Oryndaýshy: «Aurora KZ» JShS» degen jazýdy baıqaýǵa bolady.

Almaty ákimdigi jelide jarııalanǵan órt sóndirgishtiń №56 gımnazııaǵa tıesili emes ekenin jazdy.

«Jyl saıyn Medeý aýdanynyń tótenshe jaǵdaılar qyzmeti josparly tekseris júrgizedi. Sońǵy ret 2023 jyldyń naýryz aıynda tekserý júrgizilip, eshqandaı zań buzýshylyq anyqtalǵan joq. Áleýmettik jelide jarııalanǵan órt sóndirgish №56 mektep-gımnazııaǵa tıesili emes, sebebi mektep «Aurora KZ» JShS-men jumys istemeıdi», - degen Almaty ákimdigi.

Sondaı-aq qalalyq bilim basqarmasy «Q.Sátbaev atyndaǵy №56 gımnazııasy» KMM órt qaýipsizdiginiń barlyq sharalaryn ýaqytyly júrgizetinin habarlady.

«2023 jyly 1 naýryzdaǵy №12 órt qaýipsizdigi boıynsha «BONA» agenttigimen kelisim-shart jasalyp, mektep ǵımaratynda órt dabyly ornatyldy, shatyrlar eki jylda bir ret órtke qarsy agenttikpen birge óńdeledi, 2023 jyly 11 aqpanda órt sóndirgishter qaıta toltyryldy», - delinedi ákimdiktiń habarlamasynda.