Almatydaǵy Máńgilik alaý tabıǵı gazǵa kóshirildi

<p>ALMATY. &nbsp;KAZINFORM &ndash; 28 gvardııashy-panfılovshylar atyndaǵy saıabaqtaǵy Máńgilik alaýǵa tabıǵı gaz júrgizildi.&nbsp;</p>

Buǵan deıin Máńgilik alaý avtonomdy rejımde suıytylǵan gazben jabdyqtalǵan bolatyn. Endi Ulttyq gaz taratý uıymy tabıǵı gazdy úzdiksiz jáne tegin jetkizedi. 

«1975 jyldan beri gaz jabdyqtary jańartylǵan joq. Zamanaýı jabdyqqa kóshý alaýdyń turaqty ári úzdiksiz janýyn qamtamasyz etedi», - dedi Medeý aýdanynyń ákimi Almaty Erkebulan Orazalın. 

Foto: Almaty ákimdigi

Almatydaǵy ardagerler uıymynyń ókilderi men qoǵam qaıratkerleri, Medeý ákimdiginiń basshylyǵy men qalanyń qoǵamdyq damý basqarmasynyń ókilderi jaýyngerlerdi eske alýyp, Máńgilik alaýǵa gúl shoqtaryn qoıdy. 

«Qazir 28 gvardııashy-panfılovshylar atyndaǵy saıabaǵyndaǵy Máńgilik alaý memorıaly biz qyzmet kórsetetin nysannyń biri, bizdiń áleýmettik basymdyǵymyz sanalady. Bul degenimiz biz turaqty ári tegin negizde kepildik qyzmetin kórsetemiz. Іs-shara aıasynda mamandar memorıaldyq keshenniń gaz jabdyqtaryn jóndep, jańartty, gaz qubyryn júrgizdi, jelge tózimdi tutandyrǵysh gaz ottyǵyn ornatty, jerge tuıyqtaǵyshtary bar katodty qorǵaý stantsııasyn, gaz qubyrynda trassalyq izdestirý jumystaryn júrgizýge arnalǵan kabel-spýtnıkti, gaz qurylǵylaryn tazalaý jáne aýystyrý jumystaryn júrgizdi», - dedi «QazaqGaz Aimaq» bas dırektory Baýyrjan Asqarov. 

Aıta keteıik, Dańq memorıaly — Ekinshi dúnıejúzilik soǵystaǵy Jeńistiń 30 jyldyǵyna oraı 28 gvardııashy-panfılovshylar atyndaǵy saıabaqta salynǵan Almatydaǵy memorıaldyq keshen. 

Eske alý alleıasynda birneshe márte nemisterdiń basym kúshterimen shaıqasta erlikpen shaıqasqan 28 batyr-panfılovshynyń esimi jazylǵan obelıskter ornatylǵan, al onyń ortalyǵynda 1975 jyly janǵan Máńgilik alaý janyp tur. 

Mereke kúnderi qala turǵyndary men qonaqtary 1941-1945 jyldardaǵy soǵysta qaza tapqandarǵa eske alyp, rýhyna taǵzym etedi.