Almatydaǵy laı kóshkini: 17 jastaǵy egizder úıindi astynda qalǵan
Onyń aıtýynsha, úıde erli-zaıypty men 2007 jyly týǵan egiz uly bolǵan. Balalar №48 mektepte oqıdy. Olar sol kúni sabaqqa barmaǵan.
«Mektep dırektory da osynda. Túnde polıtsııa basqarmasy arqyly otbasynyń uıaly telefondaryn izdedik. Telefondarǵa sıgnal túsken joq. Telefondar úıde degen aqparat bar», - dedi ákim.
Sonymen qatar ol kóshkinniń yqtımal sebepterin atady
«Úıler durys salynbaǵan. Durys ornatylmaǵan drenaj júıesi jáne taýdaǵy úılerdiń júktemesi sebep bolýy múmkin. Qazir arnaıy qurylǵan komıssııa jumys istep jatyr. Keıinirek bári anyqtalady», - dedi aýdan ákimi.
Buǵan deıin Almaty qalasy Tótenshe jaǵdaılar departamenti men Respýblıkalyq jedel-qutqarý jasaǵynyń kúshteri úıindi astynan bir er adamnyń denesin tapqany týraly jazǵan bolatynbyz.
Esterińizge sala keteıik, 8 aqpanda Medeý aýdanynyń «Taý Samaly» shaǵyn aýdanyndaǵy Olımpıskıı kóshesi boıynda tehnogendik sıpattaǵy topyraqtyń laılanýy saldarynan laı kóshkini boldy.