Almatydaǵy kúzetshiniń ólimi: Sot jabyq rejımde ótip jatyr

<p>ALMATY. KAZINFORM &mdash; Almaty qalasynyń qylmystyq ister jónindegi mamandandyrylǵan aýdanaralyq sotynda &laquo;Merkýr Taýers&raquo; turǵyn úı kesheniniń kúzetshisin kóligimen birneshe ret basyp óltirgen kúdiktige qatysty sot otyrysy bastaldy.</p>

Almaty qalalyq sotynyń baspasóz qyzmetinen málim etkendeı, kúdiktige qatysty sot otyrysy QІJK-niń 29-babyna sáıkes jabyq ótip jatyr.

Kúdikti T.- ǵa QR Qylmystyq kodeksiniń 99-baby 2-bóliginiń 5 tarmaǵy (Asa qatygezdikpen kisi óltirý) jáne 147-babynyń 5-bóligi boıynsha aıyp taǵylyp otyr.

Buǵan deıin prokýratýra sot psıhologııalyq-psıhıatrııalyq saraptamasynyń qorytyndysy negizinde QR Qylmystyq is júrgizý kodeksiniń 511-baby 2-bóligi 2-tarmaǵyna sáıkes, kúdikti psıhıatrııalyq kómek kórsetetin arnaıy medıtsınalyq ortalyqqa jatqyzylǵanyn málimdegen edi.

Osyǵan baılanysty sotaldy tergep-tekserý merzimi QR QІJK-niń 45-baby, 7-bóligi, 4-tarmaǵy negizinde toqtatylǵan edi.

Keıin tergeý qaıta bastaldy. 

Eske salaıyq, 2024 jyldyń naýryz aıynda «djıp» kóligin mingen júrgizýshi «Merkýr Taýn» elıtalyq turǵyn úı kesheniniń kúzetshisin birneshe ret basyp qana qoımaı, ony uryp-soqqan. Saldarynan er adam aýrýhanada kóz jumdy.