Almatydaǵy kóshkin: Qıraǵan úı astynda qalǵan 3 adamnyń denesi tabyldy

<p>ALMATY. KAZINFORM &ndash; Almatyda laı kóshkini saldarynan qıraǵan úı úıindisiniń astynda qalǵan barlyq adamnyń denesi tabyldy.</p>

«Qutqarýshylar oqıǵa ornynan 1984 jyly týǵan er adam men 1980 jyly týǵan áıeldiń jáne 2007 jylǵy eki jas jigittiń denesin shyǵardy», - dep habarlady qalalyq TJD. 

Tótenshe jaǵdaılar mınıstrliginiń psıhologtary marqumdardyń týystary men kórshilerine jedel psıhologııalyq kómek kórsetýde.

Buǵan deıin Almaty qalasy Tótenshe jaǵdaılar departamenti men Respýblıkalyq jedel-qutqarý jasaǵynyń kúshteri úıindi astynan bir er adamnyń denesin tapqany týraly jazǵan bolatynbyz. 

Keıin Medeý aýdanynyń ákimi Erkebulan Orazalın laı basyp qalǵan úıde erli-zaıypty men 2007 jyly týǵan egiz uldary turǵanyn aıtty. 

Esterińizge sala keteıik, 8 aqpanda Medeý aýdanynyń «Taý Samaly» shaǵyn aýdanyndaǵy Olımpıskıı kóshesi boıynda tehnogendik sıpattaǵy topyraqtyń laılanýy saldarynan laı kóshkini boldy.