Almatydaǵy QBTÝ ǵımaraty órtenip jatyr

<p>ALMATY. KAZINFORM &mdash; Almatyda ornalasqan Qazaq-brıtan tehnıkalyq ýnıversıtetinde órt shyqty.</p>

Aldyn ala málimetter boıynsha Tóle bı kóshesinde ornalasqan ǵımarattyń tórtinshi qabatyndaǵy bólmelerdiń birinde tóbe jabyny janyp jatyr.

— Órtti sóndirý jumystary júrgizilip jatyr. Barlyǵy jeke quramnan 59 adam jáne 16 birlik TJD tehnıkasy jumyldyryldy. Gaz-tútinnen qorǵaý qyzmetiniń 4 býyny jumys jasaýda, — dep habarlady Tótenshe jaǵdaılar mınıstrliginiń baspasóz qyzmeti.

Qazir tótenshe jaǵdaıǵa baılanysty Tóle bı jáne Qazybek bı kósheleriniń bir bóligi ýaqytsha jabylǵan.

Eske salaıyq, buǵan deıin Almatyda iri qoıma órtengenin jazǵanbyz. 

Sonymen qatar, búgin Astanada eki qabatty saýda úıinen órt shyqty.