Hosteldegilerdiń qashyp shyǵýǵa múmkindikteri az boldy – Syrym Sháriphanov

<p>Almatyda hostelden shyqqan órtti sóndirýge tar jol, tynys alýǵa qıyn orta, qalyń tútin kedergi keltirdi. Bul týraly Tótenshe jaǵdaılar mınıstri Syrym Sháriphanov óńirlik kommnýkatsııalar qyzmeti brıfınginde aıtty, dep habarlaıdy<a href="https://kaz.inform.kz/" target="_blank" rel="noopener"> Kazinform.</a></p>

«Munyń bári órtti sóndirýge, barlaý júrgizýge jáne adamdardy tez tabýǵa kedergi boldy. Osyǵan qaramastan, órtke qarsy qyzmet bólimshesi óz jumysyn sátti oryndady. Órt jertóleniń dáliz bólmesinde boldy. Jertólede jınaqtalǵan ortopedııalyq matratstardyń kesirinen órt órshı tústi. Shynymen de, jertólede bolǵandardyń qashyp ketýge múmkindigi óte az boldy. Olardy bizdiń órt sóndirýshiler qutqardy», - dedi ol.

Ol matratstar órtenip, tútin kontsentratsııasynyń úlken oshaǵy paıda bolǵanyn aıtty. Alaıda órt qysqa merzimde óshirildi.

TJM mınıstri Syrym Sháriphanov qazirgi tańda komıssııa músheleri órttiń sebepterin zertteýge belsendi kiriskenin aıtty. Kináli jáne jaýapty tulǵalar anyqtalatyn bolady.

«Qala ákimdigi baspanasyz qalǵandarǵa kómek kórsetti. Olar kórshi jataqhanalarǵa ornalastyryldy, zardap shekkender aýrýhanaǵa jatqyzyldy, olarǵa tıisti medıtsınalyq kómek kórsetiledi. Jaqyndarynan aıyrylǵan adamdar qaraly habardy estidi. Qaza tapqandardyń kim ekeni anyqtaldy», - dedi ol.

Mınıstr hostelde ornalasqan stýdentter baspanaǵa muqtaj ekenderin aıtpaǵanyn málimdedi.

«Olar ákimdikke, oqý oryndaryna baspanaǵa muqtaj ekenderin, osy hostelde turatyndaryn habarlamaǵan. ıAǵnı, atalǵan hosteldiń jumys isteıtini týraly ákimdik te, basqa da memlekettik organdar, onyń ishinde TJ departamentinde de eshqandaı aqparat bolǵan joq», - dedi spıker.

Osyǵan deıin Almatydaǵy hostelde órt kezinde qaza tapqan Qazaqstan azamattarynyń týystaryna 1 mln teńge kóleminde kómek beriletinin habarladyq.