Almatydaǵy «Gorelnık» termaldy bulaǵynyń tazalyǵyna kim jaýapty

<p>ALMATY. KAZINFORM &ndash; Áleýmettik jelide Almatyda ornalasqan &laquo;Gorelnık&raquo; termaldy bulaǵynyń jaǵdaıy nashar ekeni kórsetilgen beınejazba tarady. Almaty ákimdiginiń baspasóz qyzmeti bul shaǵymǵa jaýap berdi.</p>

Qala ákimdigi «Gorelnık» termaldy bulaǵynyń tazalyǵyna almatylyq kásipker, metsenat Sergeı Spıtsyn jaýapty ekenin jáne ystyq bulaqtyń jaǵdaıy nashar ekeni jaıly aqparat jalǵan ekenin habarlady.

– Bıznesmenniń aıtýynsha, beınejazba birneshe aı buryn túsirilgen. Sol kezde bulaq aýmaǵyn tazalaý jáne ony taza ustaý máselesin ekobelsendi dereý sheshken. Qazir metsenat tártipti qadaǵalaýdy jalǵastyryp otyrǵanyn aıtyp, jaqynda munda dárethana salýǵa ýáde berdi, - dep habarlady ákimdikten.

Aıta keteıik, «Gorelnık» ystyq bulaǵy «Medeý» muz aıdyny men «Shymbulaq» taý shańǵysy kýrortynyń arasynda teńiz deńgeıinen 1 901 metr bıiktikte ornalasqan.