Almatydaǵy BRT qurylysy birneshe kezeńge bólinedi

<p>ALMATY. KAZINFORM &ndash; Almatyda BRT qurylysyn birneshe kezeńge bólýge qatysty dóńgelek ústel ótti. Onda kólik salasyndaǵy sarapshylarǵa, ýrbanısterge jáne BAQ ókilderine Raıymbek dańǵyly boıynsha Pýshkın kóshesinen Seıfýllın dańǵylyna deıingi BRT dáliziniń birinshi ýchaskesiniń jobasy usynyldy.&nbsp;</p>

«Almatybasjospar» basshysy Ashat Sádýovtyń aıtýynsha, Raıymbek dańǵylyna salynatyn BRT jelisiniń jalpy uzyndyǵy – 17 shaqyrym. Onyń 9 shaqyrymyn Pýshkın men Ahrımenko kósheleriniń aralyǵynda salý josparlanǵan. Joba aıasynda avtobýstarǵa arnaıy jolaqtar salynyp, jańa aıaldama keshenderi ornatylady.

«Jumystar «qasbetten qasbetke deıin» qaǵıdaty boıynsha júrgiziletin bolady, ıaǵnı joldyń qurylysy ǵana emes, sonymen qatar trotýarlardy, úı mańyndaǵy aýmaqtardy abattandyrý, kógaldandyrý kiredi. Jobanyń memlekettik saraptamasy shilde aıynyń ortasynda ǵana aıaqtaldy. Ekinshi ýchaske boıynsha – Seıfýllın dańǵylynan Ahrımenko kóshesine deıin jobalaý jumystary qyrkúıek aıynda aıaqtalady dep kútilýde», - dedi Ashat Sádýov. 

Osylaısha, qurylys jumystarynyń bastalýy kúzge týra keledi. Alaıda, jınalǵan sarapshylar aýqymdy jobany birneshe kezeńge bólip, joldyń tikeleı qurylysyn kóktemge qaldyrýdy usyndy.

«Raıymbek batyr dańǵyly boıyndaǵy joba – jaqsy joba. Bul dańǵyl – qaladaǵy eń uzyn dańǵyldardyń biri, ol 70 myńǵa jýyq avtokólik ótetin úlken kólik toraby. Sondyqtan kelesi jyldyń sáýir aıynda qurylys-montaj jumystaryn bastaý kerek dep oılaımyn», - dedi sáýletshi Nazerke Muńdahanova.

Sarapshylar qaýymdastyǵynyń pikirin eskere otyryp, jobany birneshe kezeńde júzege asyrý týraly sheshim qabyldandy. Qalalyq mobıldilik basqarmasynyń basshysy Saǵyndyq Telibaev atap ótkendeı, osy jyldyń kúzinde merdigerlik uıymdy anyqtaý boıynsha eki ýchaskege konkýrs jarııalanady. 

«Joba boıynsha qurylys-montajdaý jumystary sáýir aıynda bastalady. Bul – jańa oqý jylynyń bastalýyna baılanysty qaladaǵy qatynasty qıyndatpaý úshin qabyldanǵan sheshim. Bıyl ınjenerlik jelilerdi qaıta qurý, bólý sııaqty daıyndyq jumystaryn bastaımyz jáne «Saıahat» aýdanynda iri aıaldama keshenderiniń qurylysyn aıaqtaımyz. Al, negizgi qurylys-montaj jumystaryn kelesi maýsymnan bastaımyz», - dedi Saǵyndyq Telibaev.