Almatydaǵy boks keshi: Qytaıdan kelgen qandasymyz qarsylasyn nokaýtpen utty

<p>Almatyda ótken boks keshinde qytaıdan kelgen qandasymyz Elshat Nyǵmetolla (17-0-1, 5 KO) qarsylasyn ekinshi raýndta tehnıkalyq nokaýtpen utty, dep habarlaıdy Kazinform.</p>

Nyǵmetolla Almatydaǵy Balýan Sholaq atyndaǵy sport saraıynda ótken boks keshinde úndilik boksshy Sandıp Kýmarmen (12-3-1, 8 KO) qolǵap túıistirdi. Jekpe-jek ekinshi jeńil salmaq dárejesinde ótti. Nátıjesinde alty raýndqa josparlanǵan jekpe-jek ekinshi raýndta tehnıkalyq nokaýtpen aıaqtaldy.

Esterińizge sala keteıik, Elshat Nyǵmetolla Qytaıdyń Altaı aımaǵy, Qaba aýdanynda 1994 jyly dúnıege kelgen. Beıjiń Olımpıadasynyń qola júldegeri Qanat Islamnyń aýyldasy.

Ol qytaıda «Qazaq jaýyngeri» degen laqap atpen tanylǵan. 2014 jyly kásipqoı boksqa aýysyp, 2016 jyly WBO tujyrymy boıynsha Qytaı chempıony, 2018 jyly WBC tujyrymy boıynsha Azııa chempıony atanǵan bolatyn.