Almatydaǵy bas botanıkalyq baqta jańa jylyjaı qashan salynyp bitedi
Botanıkalyq baqtyń málimetinshe, sońǵy ýaqytta jylyjaıdyń taǵdyryna qatysty BAQ-ta kóptegen maqalalar, blogerler men beı-jaı qaramaıtyn qala turǵyndarynyń jarııalanymdary paıda boldy. Sondaı-aq, kún sýytyp, qysqa az qalǵan shaqta jylyjaıdy qaıta salýdy aıaqtaý máselesi ózekti ekenin habarlady.
«Jylyjaı 1969 jyly salynǵan, aýdany 1025 sharshy metr. Ǵımarattyń 50 jyl ishinde tabıǵı tozýy barlyq derlik metall qurylymdardyń korrozııaǵa ushyraýyna, irgetastyń jartylaı buzylýyna, shyny jabyndarynyń tyǵyzdyǵynyń buzylýyna, jalpy, búkil jylyjaı ǵımaratynyń buzylýyna ákkeldi, apatty jaǵdaıda boldy, kúrdeli jóndeý jumysyn júrgizý qajet boldy», - delinedi jazbada.
Únemi júrgizilgen usaq jóndeý jumystary jaqsy nátıje bermegen. 2018 jyldyń qysynda jylyjaı jylýsyz qalyp, úlken apatqa uşyraǵan edi.
«Bul apat kaktýstar men sýkkýlentterdiń búkil kollektsııasynyń ólimine ákeldi. Kollektsııany qalpyna keltirýge 3 jyl ýaqyt ketti. Oqıǵadan keıin qadaǵalaýshy mınıstrlik osy máselege nazar aýdardy. Jańa jylyjaıdyń qurylysy búkil ǵımaratty buzý nemese qurylys úshin basqa alańdy bólýdi kózdedi, biraq eki jaǵdaıda da iri ósimdikter aman qalmaýshy edi», - dep habarlady Botanıkalyq baqtyń ujymy.
Jylyjaıdy bıyl 14 maýsymǵa deıin paıdalanýǵa berliýi kerek edi, alaıda olaı bolǵan joq. Osyǵan baılanysty botanıkalyq baq sotqa júginip, «Stroıtelnaıa kompanııa ShAH» JShS-ny memlekettik satyp alýdyń josyqsyz qatysýshysy dep taný jáne qurylys jumystaryn aıaqtap, nysandy paıdalanýǵa berý jónindegi mindettemelerin oryndaýǵa májbúrleý týraly talap aryz berýge májbúr boldy.
Almaty qalasynyń mamandandyrylǵan aýdanaralyq ekonomıkalyq sotynyń 2023 jylǵy 24 tamyzdaǵy sheshimimen ınstıtýttyń talaptary tolyq kólemde qanaǵattandyryldy. Osy sheshimmen Merdiger Obektiniń qurylysyn aıaqtaýǵa mindetti. Alaıda, qazir merdiger Almaty sotynyń azamattyq ister jónindegi alqasyna apellıatsııalyq shaǵym túsirdi. 2023 jyldyń 31 jeltoqsanyna deıin jaramdy kelisim-shart negizinde «Stroıtelnaıa kompanııa ShAH» JShS jyl sońyna deıin metall konstrýktsııalaryn, shynylaý jáne jylý júıelerin ornatýdy aıaqtaýdy josparlap otyr. Bul jaǵdaıda ınstıtýt ózinen talap etiletinniń bárin jasady: joba avtorynyń jobalyq-smetalyq qujattamany túzetý jónindegi qyzmetterine aqy tóledi, bıýdjettik baǵdarlamanyń ákimshisine, ıaǵnı Orman sharýashylyǵy jáne janýarlar dúnıesi komıtetine hattar jiberdi.
«Osylaısha, biz máseleni sheshýdiń ártúrli nusqalaryn qarastyrdyq jáne jylyjaıdy qaıta salý jumystary 2024 jyldyń jaz mezgilinde aıaqtalýy úshin qoldan kelgenniń bárin jasap jatyrmyz», - dep habarlady Almaty qalasynyń bas botanıkalyq baǵynyń ujymy.