Almatydaǵy avtobýs apaty: jeńil kólik júrgizýshisi 2 aı úıqamaqta bolady

<p>ALMATY. KAZINFORM &ndash; Almatydaǵy Maqataev pen Masanshy kósheleriniń qıylysyndaǵy avtobýs apatyna kúdikti dep tanylǵan jeńil kólik júrgizýshisi Anel Sartaeva tergeý ýaqytynda úı qamaǵynda bolady.&nbsp;</p>

Bul týraly Anel Sartaevanyń advokaty Qanat Alseıit óziniń áleýmettik jelidegi paraqshasynda habarlady. 

Ol buǵan deıin jeńil kólikti basqarǵan áıeldiń tergeý kezinde tergeý ızolıatoryna 2 aıǵa ornalastyrylǵanyn jáne Anel Sartaevanyń 4 aılyq balasy bar ekenin jazǵan bolatyn.

– Apellıatsııa ótti. Qalalyq sot jeke shaǵymdy obektıvti jáne jan-jaqty qarady. Buryn tańdalǵan qamaýda ustaý túrindegi shara joıyldy. Jeke shaǵym tolyǵymen qanaǵattandyryldy. Ol tergeý kezeńinde úı qamaýynda bolady jáne balasyna qamqorlyq jasaı alady, - dep jazdy advokat. 

Eske salaıyq, 26 maýsym kúni Almatyda avtobýs apatqa ushyrap, bir adam qaza tapqan bolatyn.