Almatydaǵy avtobýs apaty: zardap shekkenderdiń jaǵdaıy belgili boldy

<p>ALMATY. KAZINFORM &ndash; Almatyda apatqa ushyraǵan №18 avtobýstyń ishinde bolǵan jolaýshylardyń 25-i zardap shekti. Bir adam jedel járdem qyzmeti kelgenshe qaıtys boldy.&nbsp;</p>

Almaty densaýlyq saqtaý basqarmasynyń málimetinshe, zardap shekken jolaýshylardyń ekeýine jol apaty bolǵan jerde medıtsınalyq kómek kórsetilip, ambýlatorlyq emdeýge jiberildi. 

«Qalǵan 22 adam qalalyq aýrýhanalarǵa jetkizildi. Báriniń jaǵdaıy – ortasha aýyr. Olardyń arasynda 14, 15 jáne 16 jastaǵy úsh jasóspirim bar. Bir balanyń tizesi men ishi kógergen, ekinshisine muryn súıeginiń jabyq synýy, al úshinshi jasóspirimge oń aıaǵynyń jabyq synyǵy dıagnozy qoıyldy», - dep habarlady basqarmadan.

Foto: Alma Muqanova

Qazir naýqastar qajetti em-dom alyp, qosymsha tekserýden ótip jatyr. 

«Sodan keıin kimge statsıonarlyq em qajet ekeni, kimniń turǵylyqty jeri boıynsha ambýlatorlyq emdelýge jiberiletini belgili bolady. Jaraqat alǵan barlyq naýqasqa qajetti medıtsınalyq kómek tolyq kólemde kórsetiledi», - dep atap ótti vedomstvodan.

Osyǵan deıin Almatynyń ortalyǵynda avtobýs pen jeńil kóliktiń soǵylǵany týraly jazǵan edik. 

Polıtsııa adam ólimine ákelgen apat boıynsha qylmystyq is qozǵap, tıisti saraptamalar taǵaıyndady.