Almatydaǵy aýǵan taýarlary kórmesine qarý-jaraq qoıylǵany ras pa

<p>ASTANA. KAZINFORM &ndash; Birer kún buryn Almatyda aýǵan taýarlarynyń kórmesi ótti. Jelide sol kórmege qarýǵa uqsas zattar qoıylǵany jaıly aqparat tarady.</p>

Saýda jáne ıntegratsııa mınıstrliginiń resmı málimetinshe kórmege qoldan toqylǵan kilemder, jemis-jıdek, kókónis, jańǵaqtar, shafran sháıi, antıkvarıat, qurylys materıaldary, asyl tastar, kondıterlik ónimder men basqa da kóptegen dástúrli aýǵan taýarlary qoıyldy. 

Búgin Úkimet otyrysynan keıin ótken baspasóz máslıhatynda BAQ ókilderi QR Premer-Mınıstriniń orynbasary Serik Jumanǵarınnen kórmege qoıylǵan zattar, onyń ishinde qarý-jaraqqa uqsas buıymdardyń bar-joǵyn naqtylady. 

«Aýǵan halqy týmysynan qolónershi. Bul álemniń tarıhı qıylysy. Siz olardyń metaldan jasalǵan buıymdaryn kórdińiz be? Men kórmeden armatýradan jasalǵan aýyr balǵany kórdim, ıaǵnı metaldan kez kelgen zatty jasaı alady. Olar tańǵajaıyp buıymdar jasaıdy, munyń bári jańashyldyq. Kórmege qoıylǵan dýlyǵa basqa da kádesyılardy adamdar satyp alýy múmkin», - dep jaýap berdi Serik Jumanǵarın brıfıng barysynda. 

Osylaısha vıtse-premer aýǵan taýarlary kórmesine eshqandaı qarý-jaraq qoıylmaǵanyn aıtyp otyr. 

Buǵan deıin Qazaqstanda aýǵan taýarlaryn satatyn saýda úıi ashylatyny týraly habarlaǵan edik. 

Aıta ketsek, Qazaqstan men Aýǵanstan arasyndaǵy saýda aınalymy 330,7 mln dollarǵa jetti.