Almatydaǵy áskerı ınstıtýtta 44 jastaǵy serjanttyń máıiti tabyldy

<p>ALMATY. KAZINFORM &mdash; Almatynyń Túrksib aýdanynda ornalasqan Qurlyq áskerleri áskerı ınstıtýtynda 44 jastaǵy serjanttyń&nbsp;denesi tabylǵany týraly aqparat áleýmettik jelide tarady.&nbsp; &nbsp;&nbsp;</p>

Atalǵan oqıǵa boıynsha áskerı ınstıtýttyń baspasóz qyzmeti túsinik berdi. Instıtýt málimetine sáıkes, 1980 jylǵy áskerı qyzmetshi óz-ózine qol salǵan.

— Osy jyldyń 12 qyrkúıeginde Qurlyq áskerleri áskerı ınstıtýtynyń ınjenerler qalashyǵynyń aýmaǵynan 1980 jyly týǵan kelisimshart boıynsha eńbek etetin áskerı qyzmetshiniń máıiti tabyldy. Aldyn ala sebep boıynsha áskerı qyzmetshi óz-ózine qol salǵan. Atalǵan derek boıynsha qylmystyq is qozǵaldy. Oqıǵanyń mán-jaıy anyqtalyp, tergeý sharalary júrgizilip jatyr. Oqý ornynyń basshylyǵy marqumnyń týystary men jaqyndaryna qaıǵysyna ortaqtasa otyryp kóńil aıtady, olarǵa barlyq qajetti kómek kórsetiledi, — dep habarlady Qurlyq áskerleri áskerı ınstıtýtynyń baspasóz qyzmetinen. 

Qylmystyq is qozǵalǵanyn Іshki ister mınıstrligi de rastady. 

«Osy fakti boıynsha Ońtústik óńirlik áskerı-tergeý basqarmasy QR QK 105-baby 1-bóligi boıynsha sotqa deıingi tergeýdi bastady. Ózge aqparat QPK-niń 201-babyna sáıkes jarııalanbaıdy» deıdi vedomstvonyń baspasóz qyzmetinen. 

Eske sala keteıik, munyń aldynda Aqtaýda áskerı qyzmetshi abaısyzda tıgen oqtan kóz jumǵan edi. 

Sondaı-aq Jetisý oblysynyń Saryózek garnızonynda da qyzmetker kezdeısoq tıgen oqtan jaraqat aldy.