Almatydaǵy 274 kósheniń joldaryna jóndeý jumystary júrgiziledi
Almaty ákimdiginiń málimetinshe, búginde Almaty qalasynda uzyndyǵy 3 097 shaqyrym jol bar. 2023 jyly uzyndyǵy 200 shaqyrym bolatyn 175 kóshedegi jol jabynyna ortasha jóndeý jumystary júrgizildi.
«2024 jyly uzyndyǵy 250 shaqyrym bolatyn 274 kóshede jol jabynyna ortasha jóndeý júrgizý josparlanǵan. Kóshelerdiń tolyq tizimi men joldy ortasha jóndeý jumystarynyń jospary tehnıkalyq qujattamaǵa saraptama qorytyndysyn alǵannan keıin sáýir aıynda jarııalanady. Ortasha jóndeý kezinde jol tósemderiniń tozý qabaty men tegistigin merzimdi qalpyna keltirý, sondaı-aq jer tóseminiń, sý burýdyń, jasandy, qorǵanysh, nyǵaıtý, retteý jáne basqa da jol qurylystarynyń zaqymdanýyn túzetý, jol tósemin qıylysta jáne oǵan jaqyn jerde keńeıtiledi nemese taryltady, avtoturaqtar, aıaldama qaltalary men alańdar, trotýarlar men velosıped joly jasalady», - dep habarlady Almaty ákimdiginiń baspasóz qyzmeti.
Ortasha jóndeý jumystardyń kólemi qala joldarynyń KJJ kóliktik-paıdalaný jaı-kúıin dıagnostıkalaý nátıjesi men aqaýlar vedomostary negizinde jasalatyn smetalyq esepteýmen aıqyndalady. Sonymen qatar aýa raıy qolaıly bolsa, aýdan ákimdikteri joldaǵy shuńqyrdy jóndeýdi bastaıdy. Jol materıalymen qamtamasyz etý maqsatynda asfaltbeton zaýytynyń jumysy merziminen buryn iske qosyldy.
1. Almaly aýdanynda aǵymdaǵy jóndeýmen búkil aýdan boıynsha 39,8 myń sharshy metr jol tósemin qamtý josparlanǵan. Sáýir aıynda 8 myń m2 jóndeýdi bastaý josparlanǵan. Atap aıtqanda, jóndeý josparyna Nazarbaev dańǵylynyń boıy Abaı men Raıymbek dańǵyly aralyǵynda ýchaskeler; Tóle bı kóshesiniń boıy Nazarbaev dańǵylynan Baıtursynov kóshesine deıin; Abylaı han kóshesiniń boıy Tóle bı kóshesinen jáne Raıymbek dańǵylyna deıin t.b. aýmaqtar kiredi.
2. Medeý aýdanynda 2024 jyly 50 myń úıdi jóndeý josparlanýda. Jumys 2024 jyldyń II toqsanynda bastalady. Jóndeý jumystary kezinde Gogol, Maqataev, Qaıyrbekov kóshesi, Dostyq dańǵyly, Qonaev kóshesi, Qaldaıaqov kóshesi, Lýganskıı, Mámetova kóshesi, Nazarbaev dańǵyly jáne t.b ýchaskeler qamtylady.
3. Bostandyq aýdanynda 2024 jyly joldar men trotýarlardyń 30 myń sharshy metrden astam asfalt jabynyn qalpyna keltirý josparlanǵan. Bıyl sáýir-mamyr aılarynda Q.Salyqov kóshesi, Araıly kóshesi, J. Úshkempirov kóshesi, Jandosov kóshesi, Buqar Jyraý býlvary, Taldy kóshesi, Tsentralnaıa kóshesi jáne t.b. aýmaqtaǵy joldy jóndeý bastalmaq. Aýdannyń 100-ge jýyq kóshesi qamtylady.
4. Túrksib aýdanynda búkil aýdan boıynsha 30 myń sharshy metr jumys kólemimen jol jabynyn jóndeý jumystary bastaldy. Shuńqyrlardy jóndeý myna aýmaqtarda júrgiziledi: Lavrenev kóshesi, qala shekarasynan VAZ-ǵa deıin; Súıinbaı dańǵyly, Bekmahanov kóshesinen jańa kópirge deıin; Danalyq kóshesi, Shemıakın kóshesinen Volochaev kóshesine deıin; Şelkovo kóshesi, Súıinbaı dańǵylynan Gete kóshesine deıin; Bekmahanov kóshesi, Súıinbaı dańǵylynan Bartold jáne Shemıakın kóshesine deıin, Hmelnıtskıı kóshesinen Rysqulov dańǵylyna deıin.
5. Jetisý aýdanynda joldardy jóndeý naýryz aıynyń ortasynda bastaldy, 35 myń sharshy metr jol qamtylady. Jumys 2024 jyldyń qarasha aıyna deıin jalǵasady. Kýderın kóshesindegi Raıymbek dańǵylynan Rysqulov kóshesine deıingi; Jansúgirov kóshesindegi Boraldaı kóshesinen Jumabaev kóshesine deıingi; Jangeldın kóshesindegi Rysqulov kóshesinen Raıymbek dańǵylyna deıingi; Qulager, Aınabulaq, Kemel shaǵyn aýdandaryndaǵy, Jumysshy kenti; Raıymbek jáne Súıinbaı dańǵyldarynyń qıylysyndaǵy ýchaskeler jóndeýden ótedi.
6. Áýezov aýdanynda 2024 jyly jóndeý jumystary aıasynda 50 myń sharshy metr jol jabynyn qalpyna keltirý josparlanýda. S.Shaımerdenov kóshesi-Jandosov kóshesi qıylysy; Altynsarın dańǵylynyń qıylysy-Qabdolov kóshesi; Qabdolov kóshesi, 2; Ótegen batyr-Altynsarın dańǵyly; Abaı dańǵyly-Momyshuly kóshesine jetpeı; Taýgúl-1 shaǵyn aýdany, Súleımenov kóshesi; Jandosov kóshesi batys baǵytta; Altynsarın dańǵyly-Jubanov kóshesiniń qıylysyndaǵy ýchaskelerge jóndeý júrgiziledi.
7. Alataý aýdanynda 30 myń sharshy metr jol tósemin jóndeý josparlanyp otyr. Jumys 2024 jyldyń sáýir aıynda bastalady. Janqoja batyr kóshesi, Áýbákirov kóshesi, Tákejanov kóshesi, Jalaıyr kóshesi, Shoǵan Abyz kóshesi, Tilendıev kóshesi, ÚAK boıy, Rysqulov dańǵyly, Raıymbek dańǵyly jáne t.b. aýmaqtarda shuńqyrly jóndeý jumystary júrgiziledi.
8. Naýryzbaı aýdanynda jóndeý jumystary aıasynda joldardyń 45 myń sharshy metrin qalpyna keltirý josparlanýda. Q.Nadyrov kóshesiniń boıy Sholpan kóshesinen Tájıev kóshesine deıingi; Tájıev kóshesiniń boıy Nadyrov kóshesinen tuıyqqa deıingi; aýdan shegindegi Jandosov pen Qonaev kósheleri jáne t.b. ýchaskeler jóndeýden ótedi.
«Jyl basynan beri aýdan ákimdikteri qala joldarynda paıda bolǵan shuńqyrlarǵa baqylaý júrgizgen. Sondaı-aq aýdan ákimdikterine turǵyndardan paıda bolǵan shuńqyrlar boıynsha shaǵymdar kelip tústi. Barlyq ótinish pen monıtorıng negizinde aýdan ákimdikteri jóndeý jumystaryn júrgizedi», - dep habarlady Almaty ákimdigi.
Eske salaıyq, Almaty ákimi Erbolat Dosaev Jetisý aýdanynyń turǵyndarymen kezdesý kezinde qaladaǵy joldardy jóndeý jumystary qashan bastalatynyn aıtqan bolatyn.